ഇതാ ചരിത്രം പിറന്നു, ഏമേര്‍ജിംഗ് ഏഷ്യ കപ്പ് തൂക്കി അഫ്ഗാനിസ്ഥാന്
എമേര്‍ജിങ് ഏഷ്യാ കപ്പ് ട്വന്റി 20യില്‍ ചാമ്പ്യന്മാരായി അഫ്ഗാനിസ്ഥാന് എ ടീം. ഫൈനലില്‍ ശ്രീലങ്ക എയെ ഏഴ് വിക്കറ്റിന് തകര്‍ത്താണ് അഫ്ഗാനിസ്ഥാന് എ ചരിത്ര വിജയം നേടിയത്.
ആദ്യം ബാറ്റ് ചെയ്ത ശ്രീലങ്ക എ 20 ഓവറില്‍ 7 വിക്കറ്റ് നഷ്ടത്തില്‍ 133 റണ്‍സ് നേടിയപ്പോള്‍, അഫ്ഗാനിസ്ഥാന് എ 18.1 ഓവറില്‍ 3 വിക്കറ്റ് നഷ്ടത്തില്‍ വിജയലക്ഷ്യം മറികടന്നു.
സഹന്‍ അരച്ചിഗെ (64) ആണ് ശ്രീലങ്കയുടെ ടോപ് സ്‌കോറര്‍മാര്‍. നിമേഷ് വിമുക്തി 23 റണ്‍സും പവന്‍ രത്‌നായ്‌കെ 20 റണ്‍സുമെടുത്തു. മറ്റാര്‍ക്കും രണ്ടക്കം പോലും കാണാന്‍ കഴിയാതിരുന്നതോടെ ശ്രീലങ്കയ്ക്ക് വലിയ സ്‌കോറിലേക്ക് എത്താന്‍ സാധിച്ചില്ല.
മറുപടി ബാറ്റിംഗില്‍ അഫ്ഗാനിസ്ഥാന് ആദ്യ പന്തില്‍ തന്നെ ഓപ്പണര്‍ സുബൈദ് അക്ബാരിയെ (0) നഷ്ടമായി. എന്നാല്‍ സെദിഖുള്ളാഹ് അത്തലിന്റെ (55) മികച്ച ഇന്നിംഗ്‌സും ഡാര്‍വിഷ് റസൂലി (24), കരീം ജാനത്ത് (33), മുഹമ്മദ് ഇഷാക് (16*) എന്നിവരുടെ സംഭാവനകളും അഫ്ഗാനിസ്ഥാനെ വിജയത്തിലെത്തിച്ചു.