2034 ലോകകപ്പ് സൗദി അറേബ്യയിൽ; 2030-ൽ സ്പെയിൻ, പോർച്ചുഗൽ, മൊറോക്കോ സംയുക്ത ആതിഥേയർ

2034 ഫിഫ ലോകകപ്പിന് സൗദി അറേബ്യ ആതിഥേയത്വം വഹിക്കുമെന്ന് ഫിഫ സ്ഥിരീകരിച്ചു. 2030 ലോകകപ്പ് സ്പെയിൻ, പോർച്ചുഗൽ, മൊറോക്കോ എന്നീ രാജ്യങ്ങൾ സംയുക്തമായി ആതിഥേയത്വം വഹിക്കും. ബുധനാഴ്ച സൂറിച്ചിൽ നടന്ന ഫിഫ ഓൺലൈൻ യോഗത്തിലാണ് തീരുമാനം.

"കൂടുതൽ രാജ്യങ്ങളിലേക്ക് ഫുട്ബോൾ എത്തിക്കുകയാണ് ഞങ്ങളുടെ ലക്ഷ്യം. ടീമുകളുടെ എണ്ണം കൂടിയതുകൊണ്ട് ഗുണനിലവാരം കുറയുകയല്ല ചെയ്യുന്നത്. അത് അവസരങ്ങൾ വർദ്ധിപ്പിക്കുകയാണ് ചെയ്യുക" 2030 ലോകകപ്പിനെക്കുറിച്ച് ഫിഫ പ്രസിഡന്റ് ജിയാനി ഇൻഫാന്റിനോ പറഞ്ഞു.

സ്റ്റേഡിയങ്ങൾ, ഹോട്ടലുകൾ, ഗതാഗത സൗകര്യങ്ങൾ എന്നിവയ്ക്കായി സൗദി അറേബ്യ വലിയ നിർമ്മാണ പദ്ധതികൾ നിലവിൽ നടത്തിവരുന്നുണ്ട്. അഞ്ച് നഗരങ്ങളിലെ 15 സ്റ്റേഡിയങ്ങളിലാണ് സൗദി അറേബ്യ 2034 ലോകകപ്പ് നടത്താൻ പദ്ധതിയിടുന്നത്. റിയാദിൽ 92,000 സീറ്റുകളുള്ള ഒരു സ്റ്റേഡിയത്തിലാണ് ഉദ്ഘാടന മത്സരവും ഫൈനലും നടക്കുക.

2034 ലോകകപ്പ് ആതിഥേയത്വത്തിനുള്ള അവസരം സൗദി അറേബ്യയ്ക്ക് നൽകാനുള്ള ഫിഫയുടെ തീരുമാനം 2034 ലെ സാൾട്ട് ലേക്ക് സിറ്റിയിലെ ഒളിമ്പിക് വിന്റർ ഗെയിമുകളുമായി ഷെഡ്യൂൾ പൊരുത്തക്കേടിലേക്ക് നയിച്ചേക്കാം എന്ന് ആശങ്കകൾ നിലനിന്നിരുന്നു. എന്നിരുന്നാലും, കഴിഞ്ഞയാഴ്ച ഇന്റർനാഷണൽ ഒളിമ്പിക് കമ്മിറ്റി ഈ ആശങ്കയെ തള്ളിക്കളഞ്ഞു.

2022 ജനുവരിയിൽ ഖത്തറിൽ ലോകകപ്പ് നടത്താനുള്ള പദ്ധതി ഉപേക്ഷിച്ചിരുന്നു. ബീജിംഗിലെ വിന്റർ ഒളിമ്പിക്‌സിന് വളരെ അടുത്താണെന്നതായിരുന്നു കാരണമായി പറഞ്ഞത്. പിന്നീട് 2022 ലോകകപ്പ് നവംബർ-ഡിസംബർ മാസങ്ങളിലായാണ് നടന്നത്. 48 ടീമുകളും 104 മത്സരങ്ങളും ഉൾപ്പെടുന്ന ലോകകപ്പ് ഫോർമാറ്റ് പൂർത്തിയാക്കാൻ 38 ദിവസമെടുക്കും.

2034 വിന്റർ ഗെയിമുകളുടെ ഉദ്ഘാടന ചടങ്ങ് ഫെബ്രുവരി 10 ന് നടത്താനാണ് ഐ‌ഒ‌സി ലക്ഷ്യമിടുന്നത്. 2022-ൽ ചെയ്തതുപോലെ 2034 ലോകകപ്പ് നവംബർ-ഡിസംബർ മാസങ്ങളിൽ ഷെഡ്യൂൾ ചെയ്യാമെങ്കിലും, ഈ സമയക്രമം ഇസ്ലാമിലെ വിശുദ്ധ മാസമായ റമദാനിനും, റിയാദിൽ നടക്കാനിരിക്കുന്ന ഏഷ്യൻ ഗെയിംസിനും ബുദ്ദിമുട്ടായേക്കാം .