സഞ്ജുവിന്റെ സെഞ്ച്വറി വെറും പാഴ്പ്പളിച്ച്? ആഞ്ഞടിച്ച് ഇന്ത്യന്‍ താരം
ബംഗ്ലാദേശിനെതിരായ മൂന്നാം ട്വന്റി20യില്‍ സെഞ്ച്വറി നേടിയ സഞ്ജു സാംസണിന് ലോകമെമ്പാടുമുള്ള ക്രിക്കറ്റ് പ്രേമികളില്‍ നിന്ന് പ്രശംസകള്‍ ലഭിച്ചിരുന്നു. എന്നാല്‍ മുന്‍ ഇന്ത്യന്‍ താരം കെ. ശ്രീകാന്തിന് സഞ്ജുവിന്റെ സെഞ്ച്വറി ദഹിച്ചിട്ടില്ല. ശ്രീകാന്ത് വളരെ വിലകുറഞ്ഞ രീതിയില്‍ താഴ്ത്തിക്കെട്ടിയാണ് ഈ സെഞ്ച്വറിയെ വിലയിരുത്തിയത്.
ഒരു സെഞ്ച്വറി നേടിയതുകൊണ്ട് മാത്രം സഞ്ജുവിനെ ഇന്ത്യയുടെ ഫസ്റ്റ് ചോയ്സ് ഓപ്പണറാക്കി മാറ്റാനാവില്ലെന്നാണ് ശ്രീകാന്തിന്റെ വാദം. ബംഗ്ലാദേശിനെപ്പോലെ ദുര്‍ബലമായ ഒരു ടീമിനെതിരെയാണ് സെഞ്ച്വറി നേടിയതെന്നും അദ്ദേഹം ചൂണ്ടിക്കാട്ടി. ഹൈദരാബാദ് പിച്ചിന്റെ അവസ്ഥയും ബംഗ്ലാദേശിന്റെ മോശം ഫീല്‍ഡിങ്ങും ശ്രീകാന്ത് വിമര്‍ശനത്തിന് കാരണമായി ചൂണ്ടിക്കാട്ടി.
'സഞ്ജു നന്നായി ബാറ്റ് ചെയ്‌തെന്ന കാര്യത്തില്‍ സംശയമില്ല. എന്നാല്‍ ഇത്തരമൊരു ടീമിനെതിരെ സെഞ്ച്വറി നേടിയതുകൊണ്ട് മാത്രം അദ്ദേഹത്തെ സ്ഥിരം ഓപ്പണറാക്കണമെന്ന് പറയുന്നതിനോട് യോജിക്കാനാവില്ല,' ശ്രീകാന്ത് പറഞ്ഞു.
ജയ്സ്വാളും ഋതുരാജും ഗില്ലും ഓപ്പണര്‍ സ്ഥാനത്തേക്ക് മത്സരിക്കുന്ന സാഹചര്യത്തില്‍ സഞ്ജുവിന് അവസരം ലഭിക്കാന്‍ പ്രയാസമാണെന്നും അദ്ദേഹം കൂട്ടിച്ചേര്‍ത്തു.
എന്നാല്‍ ശ്രീകാന്തിന്റെ ഈ വിമര്‍ശനത്തോട് ക്രിക്കറ്റ് പ്രേമികള്‍ യോജിക്കുന്നില്ല. ബംഗ്ലാദേശിനെതിരായ സെഞ്ച്വറി സഞ്ജുവിന്റെ കരിയറില്‍ വലിയൊരു വഴിത്തിരിവാണെന്നാണ് അവരുടെ അഭിപ്രായം. ഫുട് വര്‍ക്കില്‍ മാറ്റം വരുത്തിയതും ഐസിസി റാങ്കിങ്ങില്‍ കുതിച്ചുചാട്ടം നടത്തിയതും സഞ്ജുവിന്റെ മികവിന് തെളിവാണ്. ദക്ഷിണാഫ്രിക്കയ്ക്കെതിരായ പരമ്പരയില്‍ സഞ്ജു ഇന്ത്യന്‍ ടീമില്‍ ഇടം നേടുമെന്നാണ് പ്രതീക്ഷിക്കുന്നത്.