രോഹിത്ത് നാണംകെട്ട് വീണു, ഓസീസ് കൂറ്റന്‍ സ്‌കോറില്‍ ഉത്തരം തേടി ഇന്ത്യ
മെല്‍ബണ്‍ ക്രിക്കറ്റ് ഗ്രൗണ്ടില്‍ നടക്കുന്ന ബോര്‍ഡര്‍-ഗവാസ്‌കര്‍ ട്രോഫിയിലെ രണ്ടാം ടെസ്റ്റില്‍ ഓസ്‌ട്രേലിയയ്ക്ക് മിക്ച്ച ഒന്നാം ഇന്നിംഗ്‌സ് സകോര്‍. 474 റണ്‍സാണ് ഓസ്‌ട്രേലിയ ഒന്നാം ഇന്നിംഗ്‌സില്‍ സ്വന്തമാക്കിയത്്. സ്റ്റീവന്‍ സ്മിത്തിന്റെ (140) മികച്ച സെഞ്ച്വറി പ്രകടനമാണ് ഓസ്‌ട്രേലിയയെ കൂറ്റന്‍ സ്‌കോറിലേക്ക് നയിച്ചത്.
മറുപടി ബാറ്റിംഗില്‍ ഇന്ത്യ ഒരു വിക്കറ്റ് നഷ്ടത്തില്‍ 48 റണ്‍സെടുത്തിട്ടുണ്ട്. മൂന്ന് റണ്‍സെടുത്ത രോഹിത്ത് ശര്‍മ്മയെയാണ് ഇന്ത്യയ്ക്ക് നഷ്ടമായത്. 22 റണ്‍സ് വീതമെടുത്ത് കെഎല്‍ രാഹുലും യശ്വസ്വി ജയ്‌സ്വാളുമാണ് ക്രീസില്‍.
നേരത്തെ ടോസ് നേടി ബാറ്റിംഗ് തിരഞ്ഞെടുത്ത ഓസ്‌ട്രേലിയയ്ക്ക് മികച്ച തുടക്കമാണ് ലഭിച്ചത്. ഉസ്മാന്‍ ഖവാജ (57), മര്‍നസ് ലബുഷെയ്ന്‍ (72), സാം കോണ്‍സ്റ്റാസ് (60) എന്നിവര്‍ അര്‍ദ്ധ സെഞ്ച്വറികള്‍ നേടി. സ്മിത്തിനൊപ്പം പാറ്റ് കമ്മിന്‍സും (49) മികച്ച പ്രകടനം കാഴ്ചവച്ചു.
ഇന്ത്യയ്ക്ക് വേണ്ടി ജസ്പ്രീത് ബുംറ നാല് വിക്കറ്റുകളും രവീന്ദ്ര ജഡേജ മൂന്ന് വിക്കറ്റുകളും വീഴ്ത്തി.
ഓസ്‌ട്രേലിയന്‍ ഇന്നിംഗ്‌സിന്റെ ഹൈലൈറ്റുകള്‍:
സ്റ്റീവന്‍ സ്മിത്ത് - 34-ാം ടെസ്റ്റ് സെഞ്ച്വറി, പരമ്പരയിലെ രണ്ടാം സെഞ്ച്വറി
കോണ്‍സ്റ്റാസ് - ഖവാജ സഖ്യം - ഒന്നാം വിക്കറ്റില്‍ 89 റണ്‍സ്
സ്മിത്ത് - കമ്മിന്‍സ് സഖ്യം - 112 റണ്‍സിന്റെ നിര്‍ണായക കൂട്ടുകെട്ട്
സ്മിത്തിന്റെ നിര്‍ഭാഗ്യകരമായ പുറത്താകല്‍ - പന്ത് സ്വന്തം ശരീരത്തില്‍ തട്ടി സ്റ്റമ്പിലേക്ക്
ഇന്ത്യയുടെ ബൗളിംഗ് പ്രകടനം:
ജസ്പ്രീത് ബുംറ - 4 വിക്കറ്റുകള്‍
രവീന്ദ്ര ജഡേജ - 3 വിക്കറ്റുകള്‍
വാഷിംഗ്ടണ്‍ സുന്ദര്‍, ആകാശ് ദീപ് - ഓരോ വിക്കറ്റ് വീതം
ഈ കൂറ്റന്‍ സ്‌കോറിനെതിരെ ഇന്ത്യന്‍ ബാറ്റ്‌സ്മാന്‍മാര്‍ എങ്ങനെ പ്രതികരിക്കുമെന്ന് കാത്തിരുന്ന് കാണാം.
