ഓസ്‌ട്രേലിയന്‍ പിള്ളേരും ചാമ്പി, ഇന്ത്യ എയ്ക്കും കൂറ്റന്‍ തോല്‍വി
മക്കായിലെ ഗ്രേറ്റ് ബാരിയര്‍ റീഫ് അരീനയില്‍ നടന്ന ആദ്യ അനൗദ്യോഗിക ടെസ്റ്റില്‍ ഇന്ത്യ എയ്‌ക്കെതിരെ അനായാസ ജയം നേടി ഓസ്‌ട്രേലിയ എ. ഏഴ് വിക്കറ്റിനാണ ഓസ്‌ട്രേലിയ എ ഇന്ത്യ എയെ തകര്‍ത്്തത്. ഇന്ത്യ എ ഉയര്‍ത്തിയ 225 റണ്‍സ വിജയലക്ഷ്യം ഓസ്‌ട്രേലിയ എ മൂന്ന് വിക്കറ്റ് നഷ്ടത്തില്‍ മറികടക്കുകയായിരുന്നു
ടോസ് നഷ്ടപ്പെട്ട് ആദ്യം ബാറ്റിംഗ് ചെയ്ത ഇന്ത്യ എ, ആദ്യ ഇന്നിംഗ്‌സില്‍ 107 റണ്‍സിന് ഓള്‍ ഔട്ടായിയിരുന്നു ബ്രെന്‍ഡന്‍ ഡോഗെറ്റ് 6/15 എന്ന മികച്ച ബൗളിംഗ് പ്രകടനം കാഴ്ചവച്ചു. നഥാന്‍ മക്‌സ്വീനി (39), കൂപ്പര്‍ കോണോളി (37) എന്നിവരുടെ പ്രകടനത്തിന്റെ ബലത്തില്‍ ഓസ്‌ട്രേലിയ എ 195 റണ്‍സെടുത്തു. ഇന്ത്യന്‍ ബൗളര്‍മാരില്‍ മുകേഷ് കുമാര്‍ 6/46 എന്ന മികച്ച പ്രകടനം കാഴ്ചവച്ചു.
എന്നാല്‍ രണ്ടാം ഇന്നിംഗ്‌സില്‍ ഇന്ത്യ എ മികച്ച പ്രകടനം കാഴ്ചവച്ചു, 312 റണ്‍സെടുത്തു. സായ് സുധര്‍ശന്‍ മികച്ച സെഞ്ച്വറി (103) നേടിയപ്പോള്‍, ദേവ്ദത്ത് പടിക്കല്‍ (88), രുതുരാജ് ഗെയ്ക്വാദ് (56) എന്നിവര്‍ വിലപ്പെട്ട സംഭാവനകള്‍ നല്‍കി. ഓസ്‌ട്രേലിയന്‍ ബൗളിംഗില്‍ ഫെര്‍ഗസ് ഒ'നീല്‍ 4/55 എന്ന പ്രകടനം കാഴ്ചവച്ചു.
ഇതോടെ 225 റണ്‍സ് വിജയലക്ഷ്യവുമായി ബാറ്റിംഗിനിറങ്ങിയ ഓസ്‌ട്രേലിയ എക്ക് തുടക്കത്തില്‍ തന്നെ സാം കോണ്‍സ്റ്റാസിനെ നഷ്ടമായി. എന്നിരുന്നാലും, മാര്‍ക്കസ് ഹാരിസ് (36), കാമറൂണ്‍ ബാന്‍ക്രോഫ്റ്റ് (16) എന്നിവര്‍ ഇന്നിംഗ്‌സ് സ്ഥിരപ്പെടുത്തി. തുടര്‍ന്ന് നഥാന്‍ മക്‌സ്വീനി (88), ബ്യൂ വെബ്സ്റ്റര്‍ (61) എന്നിവര്‍ പുറത്താകാതെ നിന്ന് ടീമിനെ വിജയത്തിലെത്തിച്ചു.
ഈ വിജയത്തോടെ രണ്ട് മത്സരങ്ങളുടെ പരമ്പരയില്‍ ഓസ്‌ട്രേലിയ എ 1-0 ന് മുന്നിലെത്തി. രണ്ടാം അനൗദ്യോഗിക ടെസ്റ്റ് മെല്‍ബണില്‍ നടക്കും.
പ്രധാന പ്രകടനങ്ങള്‍:
സായ് സുധര്‍ശന്‍ (ഇന്ത്യ എ): രണ്ടാം ഇന്നിംഗ്‌സില്‍ 103 റണ്‍സ്.
മുകേഷ് കുമാര്‍ (ഇന്ത്യ എ): ആദ്യ ഇന്നിംഗ്‌സില്‍ 6/46.
ബ്രെന്‍ഡന്‍ ഡോഗെറ്റ് (ഓസ്‌ട്രേലിയ എ): ആദ്യ ഇന്നിംഗ്‌സില്‍ 6/15.
നഥാന്‍ മക്‌സ്വീനി (ഓസ്‌ട്രേലിയ എ): 39 & 88*
ഫെര്‍ഗസ് ഒ'നീല്‍ (ഓസ്‌ട്രേലിയ എ): രണ്ടാം ഇന്നിംഗ്‌സില്‍ 4/55.