തീതുപ്പാന്‍ ഷമി, മൂന്നാം വട്ടവും ടോസ് വിജയം നേടി ടീം ഇന്ത്യ
ഇന്ത്യയ്‌ക്കെതിരെ മൂന്നാം ടി20യിലും ഇംഗ്ലണ്ട് ആദ്യം ബാറ്റ് ചെയ്യും. ടോസ് നേടിയ ഇന്ത്യന്‍ നായകന്‍ സൂര്യകുമാര്‍ യാദവ് ബൗളിംഗ് തെരഞ്ഞെടുക്കുകയായിരുന്നു. നിലവില്‍ അഞ്ച് മത്സരങ്ങളടങ്ങിയ പരമ്പരയില്‍ ഇന്ത്യ 2-0ത്തിന് മുന്നിലാണ്. ഈ മത്സരം ജയിക്കാനായാല്‍ ഇന്ത്യയ്ക്ക് പരമ്പര സ്വന്തമാക്കാം.
ഇന്ത്യന്‍ നിരയില്‍ മുഹമ്മദ് ഷമി തിരിച്ചെത്തിയാണ് ഏറ്റവും ശ്രദ്ധേയമായ തീരുമാനം. അര്‍ഷദീപ് സിംഗിന് പകരമായാണ് ഷമി ടീമിലെത്തിയത്. 2023ല്‍ നടന്ന ഏകദിന ലോകകപ്പിന് ശേഷമുളള ഷമിയുടെ തിരിച്ചുവരവ് മത്സരമാണിത്്.
മലയാളി താരം സഞ്ജു സാംസണ്‍ തന്നെയാണ് ഇന്ത്യയുടെ വിക്കറ്റ് കീപ്പര്‍ ബാറ്റര്‍. ധ്രുവ് ജുറലും ടീമിലുണ്ട്.
ഇന്ത്യയും ഇംഗ്ലണ്ടും തമ്മിലുള്ള മൂന്നാം ടി20യിലെ ഇരു ടീമുകളുടെയും പ്ലെയിംഗ് ഇലവന്‍ ഇതാ:
ഇന്ത്യ: 1 സഞ്ജു സാംസണ്‍ (വിക്കറ്റ് കീപ്പര്‍), 2 അഭിഷേക് ശര്‍മ്മ, 3 തിലക് വര്‍മ്മ, 4 സൂര്യകുമാര്‍ യാദവ് (ക്യാപ്റ്റന്‍), 5 ഹാര്‍ദിക് പാണ്ഡ്യ, 6 ധ്രുവ് ജുറല്‍, 7 അക്സര്‍ പട്ടേല്‍, 8 വാഷിംഗ്ടണ്‍ സുന്ദര്‍, 9 രവി ബിഷ്‌ണോയ്, 10 മുഹമ്മദ് ഷമി, 11 വരുണ്‍ ചക്രവര്‍ത്തി.
ഇംഗ്ലണ്ട്: 1 ഫില്‍ സാള്‍ട്ട് (വിക്കറ്റ് കീപ്പര്‍), 2 ബെന്‍ ഡക്കറ്റ്, 3 ജോസ് ബട്ട്ലര്‍ (ക്യാപ്റ്റന്‍), 4 ഹാരി ബ്രൂക്ക്, 5 ലിയാം ലിവിംഗ്സ്റ്റണ്‍, 6 ജാമി സ്മിത്ത്, 7 ജാമി ഓവര്‍ട്ടണ്‍, 8 ബ്രൈഡണ്‍ കാര്‍സ്, 9 ജോഫ്ര ആര്‍ച്ചര്‍, 10 മാര്‍ക്ക് വുഡ്, 11 ആദില്‍ റഷീദ്.
