സഞ്ജുവിനോട് ഉത്തേജക പരിശോധനയില്‍ ഹാജറാകാന്‍ ആവശ്യപ്പെട്ട് ബിസിസിഐ
പ്രമുഖ ക്രിക്കറ്റ് താരങ്ങളെ ദേശീയ ഉത്തേജക മരുന്ന് വിരുദ്ധ ഏജന്‍സിയുടെ (നാഡ) പരിധിയില്‍ ഉള്‍പ്പെടുത്തി ഡോപ്പിങ് ടെസ്റ്റ് ശക്തമാക്കാന്‍ ഒരുങ്ങുകയാണ്. കായിക രംഗത്ത് ഉത്തേജക മരുന്നുകളുടെ ഉപയോഗം തടയുക എന്ന ലക്ഷ്യത്തോടെയാണ് ഈ നടപടി. ബിസിസിഐയുടെ അനുമതിയോടെയാണ് ഈ നീക്കം നടക്കുന്നത്.
14 താരങ്ങള്‍ നാഡയുടെ പട്ടികയില്‍
നാഡ തയ്യാറാക്കിയ രജിസ്റ്റേര്‍ഡ് ടെസ്റ്റിങ് പൂളില്‍ (ആര്‍ടിപി) 14 ക്രിക്കറ്റ് താരങ്ങളെ ഉള്‍പ്പെടുത്തിയിട്ടുണ്ട്. സഞ്ജു സാംസണ്‍, സൂര്യകുമാര്‍ യാദവ്, ശുഭ്മന്‍ ഗില്‍, റിഷഭ് പന്ത്, ഹാര്‍ദിക് പാണ്ഡ്യ, കെ എല്‍ രാഹുല്‍, ശ്രേയസ് അയ്യര്‍, യശസ്വി ജയ്‌സ്വാള്‍, അര്‍ഷ്ദീപ് സിങ്, തിലക് വര്‍മ, ഷഫാലി വര്‍മ, രേണുക സിങ് താക്കൂര്‍, ദീപ്തി ശര്‍മ എന്നിവരാണ് പട്ടികയിലുള്ളത്.
താരങ്ങള്‍ യാത്രാ വിവരങ്ങള്‍ നല്‍കണം
'രജിസ്റ്റേര്‍ഡ് ടെസ്റ്റിങ് പൂളി'ല്‍ ഉള്‍പ്പെട്ട താരങ്ങള്‍ അവരുടെ യാത്രാ വിവരങ്ങള്‍, താമസ സ്ഥലത്തിന്റെ വിലാസം, ഇമെയില്‍ വിലാസം, ഫോണ്‍ നമ്പര്‍ എന്നിവ നാഡയ്ക്ക് കൈമാറണം. ഇംഗ്ലണ്ടിനെതിരായ പരമ്പരയ്ക്കിടെ നാഡ ഉദ്യോഗസ്ഥര്‍ ക്രിക്കറ്റ് താരങ്ങളില്‍ നിന്ന് സാമ്പിളുകള്‍ ശേഖരിച്ചേക്കും.
നിലവില്‍ ആദ്യ ടി20യ്ക്ക് ഒരുങ്ങുകയാണ് ടീം ഇന്ത്യ. അഞ്ച് മത്സരങ്ങളാണ് ഇംഗ്ലണ്ടിനെതിരെ ടി20 പരമ്പരയിലുളളത്.
