മൂന്നാം ടി20; ഇന്ത്യക്ക് പരിഹരിക്കാൻ ഈ വെല്ലുവിളി; ദക്ഷിണാഫ്രിക്കക്ക് 'ചക്രവർത്തി പേടി '

ഇന്ത്യയും ദക്ഷിണാഫ്രിക്കയും തമ്മിലുള്ള ടി20 പരമ്പര 1-1 എന്ന നിലയിൽ സമനിലയിലാണ്. ഇരു ടീമുകളും പരമ്പരയിലെ അവസാന രണ്ട് മത്സരങ്ങൾക്കായി സെഞ്ചൂറിയനിലേക്ക് നീങ്ങുമ്പോൾ, പരിഹരിക്കാൻ നിരവധി പ്രശ്നങ്ങളുമായാണ് ഇരുടീമുകളും ഇറങ്ങുന്നത്.

ദക്ഷിണാഫ്രിക്കയുടെ സ്പിൻ വെല്ലുവിളി:

ഇന്ത്യൻ സ്പിന്നർമാരായ വരുൺ ചക്രവർത്തിയും രവി ബിഷ്ണോയിയും ദക്ഷിണാഫ്രിക്കൻ ബാറ്റർമാർക്ക് വലിയ വെല്ലുവിളിയാണ് ഉയർത്തുന്നത്. 16 ഓവറുകളിൽ നിന്ന് 91 റൺസ് മാത്രം വഴങ്ങി 12 വിക്കറ്റുകൾ വീഴ്ത്തിയ ഈ ജോഡി, 2017-18ൽ കുൽദീപ് യാദവും യുസ്‌വേന്ദ്ര ചഹലും ദക്ഷിണാഫ്രിക്കയ്‌ക്കെതിരെ സൃഷ്ടിച്ച പ്രതിസന്ധി ആവർത്തിക്കുകയാണ്. ഡേവിഡ് മില്ലറേയും, ക്ളാസനെയും പോലെ സാധാരണഗതിയിൽ സ്പിന്നിനെതിരെ മികവ് പുലർത്തുന്ന താരങ്ങൾ പോലും വരുണിന്റെ മുന്നിൽ പതറുന്നത് ദക്ഷിണാഫ്രിക്കയ്ക്ക് ആശങ്കയുണ്ടാക്കുന്നു.

ഇന്ത്യയുടെ ബാറ്റിംഗ് ആഴം:

ഇന്ത്യയുടെ പ്രധാന പ്രശ്നം ബാറ്റിംഗ് നിരയുടെ ആഴക്കുറവാണ്. ആദ്യ രണ്ട് ടി20കളിലും ഏഴാം നമ്പർ വരെ മാത്രമാണ് ഇന്ത്യൻ ബാറ്റിംഗ് ശക്തമായി നിന്നത്. ആദ്യ മത്സരത്തിൽ അവസാന ആറ് ഓവറുകളിൽ 40 റൺസ് മാത്രമാണ് ഇന്ത്യ നേടിയത്. രണ്ടാം മത്സരത്തിൽ തുടക്കത്തിൽ വിക്കറ്റുകൾ നഷ്ടമായ ഇന്ത്യയ്ക്ക് പിന്നീട് തിരിച്ചുവരാനായില്ല. ഈ പ്രശ്നം പരിഹരിക്കാൻ ഇന്ത്യയ്ക്ക് പുതിയ തന്ത്രങ്ങൾ ആവിഷ്കരിക്കേണ്ടതുണ്ട്.

ടീം വാർത്തകൾ:

ദക്ഷിണാഫ്രിക്കൻ ടീമിൽ ലുതോ സിപാംലയെ പുതുതായി ഉൾപ്പെടുത്തിയിട്ടുണ്ട്. മികച്ച ഫോമിലുള്ള സിപാംല, ആൻഡിലെ സിമെലെയ്‌ക്കോ, എൻക്വാബ പീറ്ററിനോ പകരം ടീമിൽ ഇടം നേടിയേക്കും.
ഇന്ത്യയുടെ ടീമിൽ വലിയ മാറ്റങ്ങളൊന്നും പ്രതീക്ഷിക്കുന്നില്ല. എന്നാൽ വിജയകുമാർ വിശാഖ്, യശ് ദയാൽ, രമൻദീപ് സിംഗ് എന്നിവർ അരങ്ങേറ്റത്തിനായി അവസരം കാത്തിരിപ്പുണ്ട്.

സെഞ്ചൂറിയൻ പിച്ചും കാലാവസ്ഥയും:

സെഞ്ചൂറിയൻ പിച്ച് ഉയർന്ന സ്കോറുകൾക്ക് പ്രസിദ്ധമാണ്. കഴിഞ്ഞ വർഷം ഇവിടെ നടന്ന രണ്ട് ടി20കളിലും വളരെ ഉയർന്ന സ്കോറുകൾ പിറന്നു. ക്വിന്റൺ ഡി കോക്കിന്റെ 44 പന്തിൽ നിന്നുള്ള സെഞ്ച്വറി ഉൾപ്പെടെ 259 റൺസ് പിന്തുടർന്ന് ദക്ഷിണാഫ്രിക്ക വിജയിച്ച മത്സരം സെഞ്ചൂറിയനിലാണ്. എന്നാൽ പിച്ചിലെ ബൗൺസ് വേഗതയേറിയ ബൗളർമാർക്കും അനുകൂലമായേക്കാം. മത്സര ദിവസം മികച്ച കാലാവസ്ഥയാണ് പ്രതീക്ഷിക്കുന്നത്.

സ്ഥിതിവിവരക്കണക്കുകൾ:

• ദക്ഷിണാഫ്രിക്കയിലെ ഏറ്റവും ഉയർന്ന സ്കോറിംഗ് ഗ്രൗണ്ടാണ് സെഞ്ചൂറിയൻ.
• ടി20യിൽ വിക്കറ്റ് കീപ്പർ അല്ലാത്ത താരങ്ങളിൽ ഏറ്റവും കൂടുതൽ ക്യാച്ചുകൾ (81) ഡേവിഡ് മില്ലറുടെ പേരിലാണ്.
• ഈ പരമ്പരയിൽ ഇതിനകം എട്ട് വിക്കറ്റുകൾ വീഴ്ത്തിയ വരുൺ ചക്രവർത്തിക്ക്, ഒരു ദ്വിരാഷ്ട്ര ടി20 പരമ്പരയിൽ ഏറ്റവും കൂടുതൽ വിക്കറ്റുകൾ വീഴ്ത്തിയ ഇന്ത്യൻ താരമെന്ന റെക്കോർഡ് (9 വിക്കറ്റുകൾ) മറികടക്കാൻ അവസരമുണ്ട്.
• 2022 ജൂലൈയിൽ അരങ്ങേറ്റം കുറിച്ചതിന് ശേഷം, ടി20യിൽ ഏറ്റവും കൂടുതൽ വിക്കറ്റുകൾ (89) വീഴ്ത്തിയ ഫുൾ മെമ്പർ താരമാണ് അർഷ്ദീപ് സിംഗ്.