ദുബായിലേക്ക് പറന്ന് 18 മണിക്കൂറിനുള്ളില്‍ മടങ്ങി; ദക്ഷിണാഫ്രിക്കയുടെ സെമിഫൈനല്‍ യാത്രയിലെ അപ്രതീക്ഷിത ട്വിസ്റ്റ്
ഐസിസി ചാമ്പ്യന്‍സ് ട്രോഫി സെമിഫൈനലിലേക്കുള്ള ദക്ഷിണാഫ്രിക്കയുടെ യാത്ര അപ്രതീക്ഷിതമായൊരു വഴിത്തിരിവിലൂടെയാണ് കടന്നുപോയത്. 18 മണിക്കൂറിനുള്ളില്‍ ലാഹോറില്‍ നിന്ന് ദുബായിലേക്ക് പറന്ന് തിരികെ എത്തിയ ടീം, ബുധനാഴ്ച ലാഹോറില്‍ ന്യൂസിലന്‍ഡിനെ നേരിടാന്‍ ഒരുങ്ങുകയാണ്.
ടൂര്‍ണമെന്റിന്റെ ഷെഡ്യൂളിംഗ് ആണ് ഈ യാത്രയ്ക്ക് കാരണം. ഇന്ത്യയും ന്യൂസിലന്‍ഡും തമ്മിലുള്ള ഗ്രൂപ്പ് എയിലെ അവസാന മത്സരത്തിന്റെ ഫലം അറിയാനായി ദക്ഷിണാഫ്രിക്കയും ഓസ്‌ട്രേലിയയും യു.എ.ഇയിലേക്ക് യാത്ര ചെയ്യേണ്ടി വന്നത്. ഇന്ത്യ വിജയിച്ച് ഗ്രൂപ്പില്‍ ഒന്നാമതെത്തിയതോടെ, ഓസ്‌ട്രേലിയ മാത്രം ദുബായില്‍ ഇന്ത്യക്കെതിരായ സെമിഫൈനലിനായി തങ്ങി. ദക്ഷിണാഫ്രിക്ക പാകിസ്ഥാനിലേക്ക് തന്നെ മടങ്ങി.
ഈ അപ്രതീക്ഷിത യാത്ര തങ്ങളുടെ പ്രകടനത്തെ ബാധിക്കില്ലെന്ന് വിശ്വാസത്തിലാണ്. ദക്ഷിണാഫ്രിക്കന്‍ ബാറ്റ്‌സ്മാന്‍ ഹെന്റിച്ച് ക്ലാസന്‍. മികച്ച മത്സരം കാണാമെന്ന് ക്ലാസന്‍ ആരാധകര്‍ക്ക് ഉറപ്പ് നല്‍കുന്നു. ഈ തടസ്സമുണ്ടായിട്ടും, ടീം നന്നായി തയ്യാറെടുത്തിട്ടുണ്ടെന്ന് ക്ലാസന്‍ വിശ്വസിക്കുന്നു.
'ശരീരത്തിന് ഇത് അത്ര സുഖകരമായിരുന്നില്ല, പക്ഷേ പുറത്തിറങ്ങി നടക്കാന്‍ ഞങ്ങള്‍ക്ക് കുറച്ച് സമയം ലഭിച്ചു. രണ്ട് ടീമുകള്‍ യാത്ര ചെയ്യേണ്ടിവരുമെന്ന് ഞങ്ങള്‍ക്ക് മുന്‍കൂട്ടി അറിയാമായിരുന്നു' അദ്ദേഹം പറഞ്ഞു.
കുറഞ്ഞ സമയത്തിനുള്ളില്‍ അഞ്ച് മണിക്കൂര്‍ വീതമുള്ള രണ്ട് വിമാനയാത്രകള്‍ നടത്തേണ്ടി വന്നു. എന്നിരുന്നാലും, ക്ഷീണത്തെക്കുറിച്ചുള്ള ആശങ്കകള്‍ ക്ലാസന്‍ തള്ളിക്കളഞ്ഞു.
'ഈ മത്സരത്തില്‍ ഞങ്ങള്‍ അധികം യാത്ര ചെയ്തിട്ടില്ല. ഇത് ഒരു ഭ്രാന്തന്‍ 18 മണിക്കൂര്‍ ആയിരുന്നു. കാലുകള്‍ നീട്ടി വിശ്രമിക്കാന്‍ കഴിഞ്ഞു. ഇത് ഇന്നത്തെ പ്രൊഫഷണല്‍ ക്രിക്കറ്റിന്റെ ഭാഗമാണ്. ഇതിനെക്കുറിച്ച് കൂടുതല്‍ പറയാനില്ല' അദ്ദേഹം കൂട്ടിച്ചേര്‍ത്തു.
ഇപ്പോള്‍ ലാഹോറില്‍ ഉളള ദക്ഷിണാഫ്രിക്ക, ന്യൂസിലന്‍ഡിനെതിരായ നിര്‍ണായക നോക്കൗട്ട് മത്സരത്തില്‍ നേരിടേണ്ട സാഹചര്യങ്ങളിലേക്ക് ശ്രദ്ധ കേന്ദ്രീകരിക്കുകയാണ്.
'ലാഹോറില്‍ നല്ല തണുപ്പുണ്ട്, അതിനാല്‍ പന്ത് കുറച്ചുകൂടി സ്വിംഗ് ചെയ്യുമെന്ന് ഞാന്‍ കരുതുന്നു. ഇത് പ്രയോഗിക്കേണ്ട ഒരു നല്ല കഴിവാണ്. എന്നാല്‍ പാകിസ്ഥാന്‍ ബാറ്റ് ചെയ്യാന്‍ നല്ല സ്ഥലമാണ്' ക്ലാസന്‍ അഭിപ്രായപ്പെട്ടു.
ഐസിസി ഇവന്റുകളിലെ ദക്ഷിണാഫ്രിക്കയുടെ സമീപകാല റെക്കോര്‍ഡ് അവര്‍ക്ക് ആത്മവിശ്വാസം നല്‍കുന്നു. 2023 ഏകദിന ലോകകപ്പിന്റെ സെമിഫൈനലില്‍ എത്തുകയും കഴിഞ്ഞ വര്‍ഷത്തെ ടി20 ലോകകപ്പില്‍ രണ്ടാം സ്ഥാനക്കാരാവുകയും ചെയ്തിരുന്നു. ഈ അനുഭവങ്ങള്‍ തങ്ങള്‍ക്ക് ഗുണം ചെയ്യുമെന്ന് ക്ലാസന്‍ വിശ്വസിക്കുന്നു.
ന്യൂസിലന്‍ഡിനെതിരായ വിജയം ദക്ഷിണാഫ്രിക്കയെ ഫൈനലിലേക്ക് നയിക്കും, അവിടെ അവര്‍ ദുബായില്‍ ഇന്ത്യയെയോ ലാഹോറില്‍ ഓസ്‌ട്രേലിയയെയോ നേരിടും.
