ചൊറിയന് പുഴുവായി കോണ്സ്റ്റാസ്, പിടിച്ച് മാന്തി ടീം ഇന്ത്യ, ഇനി എന്തെല്ലാം കാണണം
സിഡ്നി ക്രിക്കറ്റ് ഗ്രൗണ്ടില് ബോര്ഡര്-ഗാവസ്കര് ട്രോഫിയുടെ അഞ്ചാം ടെസ്റ്റില് ഇന്ത്യന് ക്യാപ്റ്റന് ജസ്പ്രിത് ബുംറയും ഓസ്ട്രേലിയന് ഓപ്പണര് സാം കോണ്സ്റ്റാസും തമ്മില് വാക്കുതര്ക്കം. 185 റണ്സിന് ഇന്ത്യയെ പുറത്താക്കിയ ശേഷം ബാറ്റിംഗിനിറങ്ങിയ ഓസ്ട്രേലിയയ്ക്ക് തുടക്കത്തില് തന്നെ തിരിച്ചടി നേരിട്ടു. മൂന്നാം ഓവറിലെ അവസാന പന്തില് ഉസ്മാന് ഖവാജയെ (2) പുറത്താക്കിയ ബുംറ, പെട്ടെന്ന് അടുത്ത ഓവര് എറിയാന് ശ്രമിച്ചതാണ് തര്ക്കത്തിന് കാരണം.
ക്രീസില് തയ്യാറായില്ലാതിരുന്ന ഖ്വാജയോട് ബുംറ ചോദ്യം ചെയ്തപ്പോള് കോണ്സ്റ്റാസ് ഇടപെടുകയും ഇരുവരും തമ്മില് വാക്കുതര്ക്കമുണ്ടാവുകയും ചെയ്തു. അമ്പയര് ഇടപെട്ടാണ് തര്ക്കം അവസാനിപ്പിച്ചത്. തുടര്ന്നുള്ള പന്തില് ഖ്വാജയെ പുറത്താക്കിയ ബുംറ, കോണ്സ്റ്റാസിന്റെ മുഖത്തുനോക്കി ആഘോഷം നടത്തി. ബുംറയ്ക്ക് പിന്നാലെ ഇന്ത്യന് താരങ്ങളും കോണ്സ്റ്റാസിനെ പരിഹാസം കൊണ്ട് മൂടി. ഇതോടെ രണ്ടാം ദിനം എന്ത് സംഭവിക്കും എന്ന ആകാംക്ഷയിലാണ് ക്രിക്കറ്റ് ലോകം.
മോശം ഫോമിലുള്ള രോഹിത് ശര്മ്മയുടെ അഭാവത്തില് ബുംറയാണ് ഇന്ത്യയെ നയിക്കുന്നത്. ശുഭ്മാന് ഗില് ടീമില് തിരിച്ചെത്തിയപ്പോള് പരിക്കേറ്റ ആകാശ് ദീപിന് പകരം പ്രസിദ്ധ് കൃഷ്ണയും ഇന്ത്യന് പ്ലേയിംഗ് ഇലവനിലുണ്ട്. ഓസ്ട്രേലിയയ്ക്ക് വേണ്ടി ബ്യൂ വെബ്സ്റ്റര് അരങ്ങേറ്റം കുറിച്ചു.
ഇന്ത്യ: യശസ്വി ജയ്സ്വാള്, കെ എല് രാഹുല്, ശുഭ്മാന് ഗില്, വിരാട് കോഹ്ലി, ഋഷഭ് പന്ത് (വിക്കറ്റ് കീപ്പര്), രവീന്ദ്ര ജഡേജ, നിതീഷ് കുമാര് റെഡ്ഡി, വാഷിംഗ്ടണ് സുന്ദര്, ജസ്പ്രീത് ബുംറ (ക്യാപ്റ്റന്), പ്രസിദ് കൃഷ്ണ, മുഹമ്മദ് സിറാജ്.
ഓസ്ട്രേലിയ: സാം കോണ്സ്റ്റാസ്, ഉസ്മാന് ഖവാജ, മാര്നസ് ലബുഷാനെ, സ്റ്റീവന് സ്മിത്ത്, ട്രാവിസ് ഹെഡ്, ബ്യൂ വെബ്സ്റ്റര്, അലക്സ് ക്യാരി (വിക്കറ്റ് കീപ്പര്), പാറ്റ് കമ്മിന്സ് (ക്യാപ്റ്റന്), മിച്ചല് സ്റ്റാര്ക്ക്, നതാന് ലിയോണ്, സ്കോട്ട് ബോളണ്ട്.
