പുറത്താകാതെ 500ലേറെ റണ്സ്, വിജയ് ഹസാരയില് ഞെട്ടിക്കുന്ന ലോക റെക്കോര്ഡ് ഇട്ട് കരുണ് നായര്
മലയാളി ക്രിക്കറ്റ് താരം കരുണ് നായര് ലിസ്റ്റ് എ ക്രിക്കറ്റില് പുതിയൊരു ലോക റെക്കോര്ഡ് സ്ഥാപിച്ചു. വിജയ് ഹസാരെ ട്രോഫിയില് ഉത്തര്പ്രദേശിനെതിരെ തുടര്ച്ചയായി മൂന്നാം സെഞ്ച്വറി നേടിക്കൊണ്ടാണ് കരുണ് ഈ നേട്ടം കൈവരിച്ചത്.
പുറത്താകാതെ തുടര്ച്ചയായി ഏറ്റവും കൂടുതല് റണ്സ് നേടുന്ന താരമെന്ന റെക്കോര്ഡാണ് കരുണ് സ്വന്തം പേരിലാക്കിയത്. 70 റണ്സ് കടന്നതോടെ 500 റണ്സ് തികച്ച കരുണ്, ന്യൂസിലന്ഡ് താരം ജെയിംസ് ഫ്രാങ്ക്ലിന് 2010 ല് സ്ഥാപിച്ച 527 റണ്സിന്റെ റെക്കോര്ഡും തകര്ത്തു.
വിജയ് ഹസാരെ ട്രോഫിയില് കരുണ് നായര് തകര്പ്പന് ഫോമിലാണ്. ജമ്മു കശ്മീരിനെതിരെ (112), ഛത്തീസ്ഗഡിനെതിരെ (44), ഉത്തര്പ്രദേശിനെതിരെ (112*) എന്നിങ്ങനെയാണ് കരുണിന്റെ സ്കോറുകള്. ഈ മികച്ച പ്രകടനത്തിലൂടെ വിദര്ഭയെ ഗ്രൂപ്പ് ഇയില് ഒന്നാം സ്ഥാനത്ത് എത്തിക്കാനും കരുണിന് സാധിച്ചു.
കഴിഞ്ഞ രണ്ട് ഐപിഎല് ലേലങ്ങളില് നിന്ന് വിട്ടുനിന്ന കരുണിനെ ഐപിഎല് 2025 ലേലത്തില് ഡല്ഹി ക്യാപിറ്റല്സ് 50 ലക്ഷം രൂപയ്ക്ക് സ്വന്തമാക്കിയിരുന്നു. 2016 ല് ഇംഗ്ലണ്ടിനെതിരെ ടെസ്റ്റ് ട്രിപ്പിള് സെഞ്ച്വറി നേടിയ താരം കൂടിയാണ് കരുണ് നായര്.
ഉത്തര്പ്രദേശിനെതിരെ വിദര്ഭയ്ക്ക് എട്ട് വിക്കറ്റ് വിജയം സമ്മാനിക്കുന്നതില് കരുണ് നായരുടെ സെഞ്ച്വറി നിര്ണായകമായി. യാഷ് റാത്തോഡും വിദര്ഭയ്ക്ക് വേണ്ടി സെഞ്ച്വറി നേടി.
