വെടിക്കെട്ട് തുടർന്ന് സഞ്ജു ; ഋതുരാജിന്റെ മഹാരാഷ്ട്രക്ക് എതിരെ കേരളത്തിന് മിന്നുന്ന തുടക്കം

കേരളം vs മഹാരാഷ്ട്ര: സയ്യിദ് മുഷ്താഖ് അലി ട്രോഫിയിൽ ഇന്ന് പോരാട്ടം നടക്കുന്നു..
ഇന്ത്യൻ ആഭ്യന്തര ക്രിക്കറ്റിലെ ഏറ്റവും പ്രശസ്തമായ ടി20 ടൂർണമെന്റായ സയ്യിദ് മുഷ്താഖ് അലി ട്രോഫിയിൽ സഞ്ജു സാംസൺ നയിക്കുന്ന കേരളം റുതുരാജ് ഗെയ്‌ക്‌വാഡിന്റെ മഹാരാഷ്ട്രയെ നേരിടുന്നു. ഹൈദരാബാദിലെ രാജീവ് ഗാന്ധി ഇന്റർനാഷണൽ സ്റ്റേഡിയത്തിൽ രാവിലെ 11 മണിക്കാണ് മത്സരം തുടങ്ങിയത്.

ടോസ് നഷ്ടപ്പെട്ട് ബാറ്റിംഗിനിറങ്ങിയ കേരളം സഞ്ജുവിന്റെ മികവിൽ മികച്ച തുടക്കമാണ് കാഴ്ചവെക്കുന്നത്. നിലവിൽ ആദ്യ 4.3 ഓവറുകളിൽ കേരളം 43 റൺസ് സ്‌കോർ ചെയ്തു. 15 പന്തിൽ 19 റൺസുമായി സഞ്ജു സാംസൺ പുറത്തായി. 12 പന്തിൽ 23 റൺസുമായി രോഹൻ കുന്നുമ്മൽ ക്രീസിലുണ്ട് .

ഗ്രൂപ്പ് ഇയിലെ രണ്ടാം റൗണ്ട് മത്സരമാണിത്. ആദ്യ റൗണ്ടിൽ കേരളം സർവീസസിനെയും മഹാരാഷ്ട്ര നാഗാലാൻഡിനെയും പരാജയപ്പെടുത്തിയിരുന്നു. സർവീസസിനെതിരെ സാംസൺ 45 പന്തിൽ നിന്ന് 75 റൺസ് നേടി മികച്ച പ്രകടനമാണ് കാഴ്ച്ചവെച്ചത്. മഹാരാഷ്ട്രയ്‌ക്കെതിരെ ഗെയ്‌ക്‌വാഡ് ടീമിലുണ്ടാകും.

കേരളം vs മഹാരാഷ്ട്ര: ലൈവ് സ്ട്രീമിംഗ്

സയ്യിദ് മുഷ്താഖ് അലി ട്രോഫി മത്സരങ്ങൾ ജിയോ സിനിമ ആപ്പിലും വെബ്‌സൈറ്റിലും തത്സമയം കാണാം.

ടോസ്:

മഹാരാഷ്ട്ര ടോസ് നേടി ബൗളിംഗ് തിരഞ്ഞെടുത്തു.

കേരളത്തിന്റെ പ്ലേയിംഗ് ഇലവൻ:

സഞ്ജു സാംസൺ (ക്യാപ്റ്റൻ, വിക്കറ്റ് കീപ്പർ)
രോഹൻ കുന്നുമ്മൽ
മുഹമ്മദ് അസറുദ്ദീൻ
സച്ചിൻ ബേബി
വിഷ്ണു വിനോദ്
സൽമാൻ നിസാർ
അബ്ദുൾ ബാസിത്
അഖിൽ സ്‌കറിയ
സിജോമോൻ ജോസഫ്
വിനോദ് കുമാർ
നിധീഷ് എം ഡി

മഹാരാഷ്ട്രയുടെ പ്ലേയിംഗ് ഇലവൻ:

റുതുരാജ് ഗെയ്‌ക്‌വാദ് (ക്യാപ്റ്റൻ)
അർഷിൻ കുൽക്കർണി
രാഹുൽ ത്രിപാദി
ധനരാജ് ഷിൻഡെ
രാമകൃഷ്ണ ഘോഷ്
നിഖിൽ നായിക് (വിക്കറ്റ് കീപ്പർ)
ദിവ്യാങ് ഹിംഗനേക്കർ
അസിം കാസി
സത്യജീത് ബച്ചാവ്
മുകേഷ് ചൗധരി
പ്രശാന്ത് സോളങ്കി