പോരാളികള്‍, അവിശ്വസനീയ തിരിച്ചുവരവുമായി കേരളം, ബംഗാളിനെതിരെ മികച്ച സ്‌കോറിലേക്ക്
മഴയും പ്രതികൂല കാലാവസ്ഥയും വില്ലനായ രഞ്ജി ട്രോഫിയില്‍ ബംഗാളിനെതിരെ കേരളം മികച്ച പോരാട്ടം കാഴ്ചവയ്ക്കുന്നു. മൂന്നാം ദിനം കളി നിര്‍ത്തുമ്പോള്‍ ഏഴ് വിക്കറ്റ് നഷ്ടത്തില്‍ 267 റണ്‍സാണ് കേരളത്തിന്റെ സമ്പാദ്യം. സല്‍മാന്‍ നിസാര്‍ (64), മുഹമ്മദ് അസറുദ്ദീന്‍ (30) എന്നിവര്‍ ക്രീസില്‍ ഉറച്ചുനില്‍ക്കുന്നു.
ആദ്യ രണ്ട് ദിവസങ്ങളിലും മഴ കളി മുടക്കിയതിനാല്‍ കേരളത്തിന് മികച്ച സ്‌കോര്‍ നേടേണ്ടത് അനിവാര്യമായിരുന്നു. ഇന്നലെ ടോസ് നേടിയ ബംഗാള്‍ കേരളത്തെ ബാറ്റിംഗിനയച്ചു. തുടക്കത്തില്‍ തന്നെ വിക്കറ്റുകള്‍ നഷ്ടമായെങ്കിലും ജലജ് സക്‌സേനയുടെ (84) മികച്ച ഇന്നിംഗ്‌സും സല്‍മാന്‍ നിസാറുമായുള്ള (64) കൂട്ടുകെട്ടും കേരളത്തെ രക്ഷപ്പെടുത്തി. 140 റണ്‍സാണ് ഈ സഖ്യം ചേര്‍ത്തത്.
എന്നാല്‍, സക്‌സേനയെ പുറത്താക്കി സുരജ് സിന്ധു ജയ്‌സ്വാള്‍ ബംഗാളിന് ബ്രേക്ക് ത്രൂ നല്‍കി. ഇപ്പോള്‍ സല്‍മാന്‍-അസറുദ്ദീന്‍ സഖ്യത്തിലാണ് കേരളത്തിന്റെ പ്രതീക്ഷ. ഒരു ഘട്ടത്തില്‍ ആറ് വിക്കറ്റ് നഷ്ടത്തില്‍ 83 റണ്‍സ് എടുത്തിടത്ത് നിന്നാണ് കേരളത്തിന്റെ തിരിച്ചുവരവ്.
ടോസ് നേടിയ ബംഗാള്‍ കേരളത്തെ ബാറ്റിംഗിനയക്കുകയായിരുന്നു. ഓപ്പണിംഗ് വിക്കറ്റില്‍ വത്സല്‍ ഗോവിന്ദും രോഹന്‍ കുന്നുമ്മലും 33 റണ്‍സ് കൂട്ടിച്ചേര്‍ത്തശേഷം അഞ്ച് റണ്‍സെടുക്കുന്നതിനിടെ നാലു വിക്കറ്റ് നഷ്ടമായതോടെയാണ് രണ്ടാം ദിനം കേരളം തകര്‍ന്നടിഞ്ഞത്. 22 പന്തില്‍ 23 റണ്‍സെടുത്ത രോഹനെ ഇഷാന്‍ പോറല്‍ വിക്കറ്റിന് മുന്നില്‍ കുടുക്കിയപ്പോള്‍ നേരിട്ട ആദ്യ പന്തില്‍ തന്നെ ബാബ അപരാജിതിനെ പോറല്‍ വിക്കറ്റ് കീപ്പര്‍ വൃദ്ധിമാന്‍ സാഹയുടെ കൈകകളിലെത്തിച്ചു. പിന്നാലെ അഞ്ച് റണ്‍സെടുത്ത വത്സല്‍ ഗോവിന്ദിനെകൂടി പോറല്‍ തന്നെ സാഹയുടെ കൈകകളിലെത്തിച്ചതോടെ കേരളം ഞെട്ടി. പിന്നീടെത്തിയ ആദിത്യ സര്‍വാതെയെ(5) പ്ദീപ്ത പ്രമാണിക്കും മടക്കിയതോടെ കേരളം 33-0ല്‍ നിന്ന് 38-4ലേക്ക് കൂപ്പുകുത്തുകയായിരുന്നു.
തിളങ്ങിയവര്‍:
ജലജ് സക്‌സേന: 84 റണ്‍സ് (162 പന്തുകള്‍, 12 ബൗണ്ടറികള്‍)
സല്‍മാന്‍ നിസാര്‍: 64 റണ്‍സ് (6 ബൗണ്ടറികള്‍)
ഇഷാന്‍ പോറല്‍: 5 വിക്കറ്റുകള്‍
കേരളത്തിന് ഇനിയും മുന്നേറാനായാല്‍ ബംഗാളിനെ പ്രതിരോധത്തിലാക്കാന്‍ കഴിയും.