സഞ്ജുവല്ല, എന്റെ വളര്‍ച്ചയ്ക്ക് കാരണം അയാള്‍, തുറന്ന് പറഞ്ഞ് പരാഗ്
ഐപിഎല്ലിന്റെ വളര്‍ച്ചയ്ക്ക് പിന്നില്‍ യുവതാരങ്ങളുടെ മികവ് നിര്‍ണായകമാണ്. ഈ ലീഗിലൂടെ വളര്‍ന്നുവന്ന നിരവധി താരങ്ങള്‍ ഇന്ന് ഇന്ത്യന്‍ ടീമിന്റെ നട്ടെല്ലാണ്. രോഹിത് ശര്‍മ, ജസ്പ്രീത് ബുംറ, ഹാര്‍ദിക് പാണ്ഡ്യ തുടങ്ങിയവര്‍ ഉദാഹരണം. ഇന്ത്യയ്ക്കായി അരങ്ങേറിയ തിലക് വര്‍മ, റിയാന്‍ പരാഗ്, മായങ്ക് അഗര്‍വാള്‍ തുടങ്ങിയവരും ഈ നിരയിലേക്ക് ഉയര്‍ന്നുവരുന്നു.
രാജസ്ഥാന്‍ റോയല്‍സ യുവതാരങ്ങളെ വളര്‍ത്തിയെടുക്കുന്നതില്‍ പ്രത്യേകം മികവ് പുലര്‍ത്തുന്നു. സഞ്ജു സാംസണിന്റെ നായകത്വത്തില്‍ റിയാന്‍ പരാഗ്, ദ്രുവ് ജുറേല്‍, യശസ്വി ജയ്സ്വാള്‍ തുടങ്ങിയവര്‍ തിളങ്ങി. റിയാന്‍ പരാഗ് ഇന്ന് ഇന്ത്യന്‍ ടി20 ടീമിലെ പ്രധാന ഓള്‍റൗണ്ടറാണ്.
വിരാട് കോഹ്ലിയാണ് തന്റെ കരിയറിനെ സ്വാധീനിച്ചതെന്ന് പരാഗ് പറയുന്നു. കോഹ്ലിയുടെ ആക്രമണോത്സുകതയും അര്‍പ്പണബോധവും പോരാട്ടവീര്യവുമാണ് തന്നെ പ്രചോദിപ്പിച്ചതെന്ന് പരാഗ് വ്യക്തമാക്കി.
'എക്കാലത്തേയും മികച്ചവനാണ് കോഹ്ലി. ക്രിക്കറ്റിനോടുള്ള കാഴ്ചപ്പാട്, ആക്രമണോത്സകത, അതിനായി നല്‍കുന്ന കഷ്ടപ്പാട്, ഇതെല്ലാം കണ്ടാണ് ഇന്നത്തെ എന്നെ രൂപപ്പെടുത്തിയിരിക്കുന്നത്. അദ്ദേഹത്തിന്റെ കളി കാണുന്നതാണ് വലിയ പ്രചോദനം. താങ്കള്‍ പങ്കുവെച്ച് നല്‍കിയിട്ടുള്ള അനുഭവങ്ങള്‍ ഞാന്‍ എന്നെന്നും മുന്നോട്ട് കൊണ്ടുപോകും. ഇതിഹാസമായി തുടരുന്നതിന് നന്ദി. കളത്തിനകത്തും പുറത്തും അദ്ദേഹം ഹീറോയാണ്' എന്നാണ് കുറിപ്പിലൂടെ പരാഗ് പങ്കുവെച്ചത്.
ഐപിഎല്ലിനിടെ കോഹ്ലിയോട് പലപ്പോഴും പരാഗ് ഉപദേശങ്ങള്‍ ചോദിക്കാറുണ്ടായിരുന്നു. കോഹ്ലിക്കൊപ്പം ഇന്ത്യന്‍ ഡ്രസിങ് റൂം പങ്കിടുകയെന്നത് തന്റെ വലിയ സ്വപ്നമായിരുന്നുവെന്ന് പരാഗ് നേരത്തെ തന്നെ തുറന്ന് പറഞ്ഞിട്ടുണ്ട്. സഞ്ജു സാംസണിന്റെ പിന്തുണയും പരാഗിന്റെ വളര്‍ച്ചയില്‍ നിര്‍ണായകമായിരുന്നു. രാജസ്ഥാന്‍ റോയല്‍സ് പരാഗിന് നല്‍കിയ പിന്തുണ അദ്ദേഹത്തിന്റെ ആത്മവിശ്വാസം വര്‍ധിപ്പിച്ചു.
യുവതാരങ്ങളെ വളര്‍ത്തിയെടുക്കുന്നതില്‍ രാജസ്ഥാന്‍ റോയല്‍സ് മികച്ച പ്രകടനമാണ് കാഴ്ചവെക്കുന്നത്. ഈ ടീമില്‍ നിന്ന് ഇനിയും നിരവധി താരങ്ങള്‍ ഇന്ത്യന്‍ ടീമിലേക്ക് ഉയര്‍ന്നുവരുമെന്ന് പ്രതീക്ഷിക്കാം.
