ടി20 ലോക കിരീടം സ്വന്തമാക്കി, ദുബൈയില്‍ ചരിത്രം കുറിച്ച് ന്യൂസിലാന്‍ഡ്, ദക്ഷിണാഫ്രിക്ക കരയുന്നു

ട്വന്റി20 ലോകകപ്പ് ക്രിക്കറ്റ് ചരിത്രത്തില്‍ ആദ്യമായി കിരീടം ചൂടി ന്യൂസിലാന്‍ഡ്. ദുബായില്‍ നടന്ന ഫൈനലില്‍ ദക്ഷിണാഫ്രിക്കയെ തോല്‍പ്പിച്ചാണ് ന്യൂസിലാന്‍ഡ് ലോക കിരീട നേട്ടം കൈവരിച്ചത്.

മത്സരത്തില്‍ ആദ്യം ബാറ്റ് ചെയ്ത ന്യൂസിലാന്‍ഡ് 5 വിക്കറ്റ് നഷ്ടത്തില്‍ 158 റണ്‍സ് നേടി. മറുപടിയായി ബാറ്റ് ചെയ്ത ദക്ഷിണാഫ്രിക്കയ്ക്ക് 20 ഓവറില്‍ 9 വിക്കറ്റ് നഷ്ടത്തില്‍ 126 റണ്‍സ് മാത്രമേ നേടാനായുള്ളൂ.

അമേലിയ കെര്‍ ആണ് ന്യൂസിലാന്‍ഡിന്റെ വിജയശില്‍പ്പി. ബാറ്റുകൊണ്ടും പന്തുകൊണ്ടും മികച്ച പ്രകടനം കാഴ്ചവെച്ച കെര്‍ 43 റണ്‍സ് നേടുകയും 2 വിക്കറ്റുകള്‍ വീഴ്ത്തുകയും ചെയ്തു.

2009ലും 2010ലും ഫൈനലില്‍ പരാജയപ്പെട്ട ന്യൂസിലാന്‍ഡിന് ഒടുവില്‍ ലോകകപ്പ് സ്വന്തമാക്കാന്‍ കഴിഞ്ഞു.