രക്ഷപ്പെടാന്‍ അവസാന പൂഴിക്കടകനുമായി പാകിസ്ഥാന്, ഇനിയെങ്കിലും രക്ഷപ്പെടുമോ
പാകിസ്ഥാന് ക്രിക്കറ്റ് ഇപ്പോള്‍ കടുത്ത പ്രതിസന്ധിയിലൂടെയാണ് കടന്നുപോകുന്നത്. തുടര്‍ച്ചയായ തോല്‍വികള്‍ അവരെ വലയ്ക്കുന്നു. ഏറ്റവും ഒടുവില്‍ മുള്‍ട്ടാനില്‍ ഇംഗ്ലണ്ടിനോട് ദയനീയമായി പരാജയപ്പെട്ടു.
ആദ്യ ഇന്നിംഗ്‌സില്‍ 556 റണ്‍സ് എന്ന മികച്ച സ്‌കോര്‍ നേടിയിട്ടും, ഇംഗ്ലണ്ടിന്റെ ബാറ്റിംഗ് പ്രഹരശേഷിക്ക് മുന്നില്‍ പാകിസ്ഥാന് നിസ്സഹായരായി. ടെസ്റ്റ് ക്രിക്കറ്റിന്റെ ചരിത്രത്തില്‍ ആദ്യമായാണ് ഒരു ടീം 500 റണ്‍സ് കടന്നിട്ടും ഇന്നിംഗ്‌സ് തോല്‍വി വഴങ്ങുന്നത് എന്ന നാണക്കേടും പാകിസ്ഥാന് ഏറ്റുവാങ്ങേണ്ടി വന്നു.
ഈ തോല്‍വിക്ക് പിന്നാലെ പാകിസ്ഥാന് ക്രിക്കറ്റ് ബോര്‍ഡ് നാല് പുതിയ അംഗങ്ങളെ ദേശീയ സെലക്ഷന്‍ കമ്മിറ്റിയിലേക്ക് നിയമിച്ചു. അന്താരാഷ്ട്ര ക്രിക്കറ്റില്‍ നിന്ന് അടുത്തിടെ വിരമിച്ച അലീം ദാറാണ് പുതിയ സെലക്ഷന്‍ കമ്മിറ്റി ചെയര്‍മാന്‍. 20 വര്‍ഷത്തെ അമ്പയറിംഗ് കരിയറില്‍ 448 മത്സരങ്ങള്‍ നിയന്ത്രിച്ച അലീം ദാര്‍, ഐസിസിയുടെ എലൈറ്റ് പാനലിലെ അംഗവും മൂന്ന് തവണ ഐസിസി അംപയര്‍ ഓഫ് ദ ഇയര്‍ പുരസ്‌കാരം നേടിയ വ്യക്തിയുമാണ്.
അതേസമയം, പാകിസ്ഥാന് ടീമിനുള്ളില്‍ തമ്മിലടിയുണ്ടെന്ന ആരോപണവും ശക്തമാകുന്നു. ഇംഗ്ലണ്ടിനെതിരായ മത്സരത്തിനിടെ പാകിസ്ഥാന് മുന്‍ ക്യാപ്റ്റന്‍ ബാബര്‍ അസമിനെ പേസര്‍ ഷഹീന്‍ ഷാ അഫ്രീദി അപമാനിച്ചു എന്ന വാര്‍ത്തയാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്. ഫോം നഷ്ടപ്പെട്ട് ബാബര്‍ ഏറെക്കാലമായി തിളങ്ങുന്നില്ല എന്നത് ഈ ആരോപണങ്ങള്‍ക്ക് പിന്നിലെ ഒരു കാരണമായിരിക്കാം.
പുതിയ സെലക്ഷന്‍ കമ്മിറ്റിക്ക് പാകിസ്ഥാന് ക്രിക്കറ്റിനെ തിരിച്ചു കൊണ്ടുവരാനാകുമോ എന്നാണ് ഇനി കണ്ടറിയേണ്ടത്