ഇതാ സഞ്ജുവിന്റെ സമ്മാനം, യുവ ക്രിക്കറ്റ് താരങ്ങള്‍ക്ക് ചിറകുകള്‍ നല്‍കാനൊരുങ്ങി മലയാളി താരം!
മുന്‍ ഇന്ത്യന്‍ നായകനായ എം.എസ്. ധോണിയുടെയും മറ്റും പാത പിന്തുടര്‍ന്ന് കേരളത്തിന്റെ സ്വന്തം ക്രിക്കറ്റ് ബ്രാന്‍ഡ് സഞ്ജു സാംസണ്‍ ഒരു പുതിയ ക്രിക്കറ്റ് അക്കാദമിക്ക് തുടക്കം കുറിക്കുന്നു. 'റേസ് ബൈ സഞ്ജു സാംസണ്‍' എന്ന് പേരിട്ടിരിക്കുന്ന ഈ അക്കാദമി റാഫേല്‍ ഗ്രൂപ്പ് ഓഫ് കമ്പനിയുമായി ചേര്‍ന്നാണ് ആരംഭിക്കുന്നത്.
ലോഗോ പ്രകാശനം വര്‍ണ്ണാഭമായി!
സഞ്ജു സാംസണ്‍, ചലച്ചിത്ര താരങ്ങളായ ദിലീപ്, ടൊവിനോ തോമസ്, ബേസില്‍ ജോസഫ് എന്നിവര്‍ ചേര്‍ന്ന് അക്കാദമിയുടെ ലോഗോ പ്രകാശനം ചെയ്തു. കോച്ച് ബിജു ജോര്‍ജ്, സ്‌പോര്‍ട്‌സ് കമന്റേറ്റര്‍ ഷൈജു ദാമോദരന്‍, റാഫേല്‍ ഗ്രൂപ്പ് ഓഫ് കമ്പനീസ് ഉടമ റാഫേല്‍ പൊഴോലിപ്പറമ്പില്‍ എന്നിവര്‍ ചടങ്ങില്‍ പങ്കെടുത്തു.
എന്താണ് 'റേസ്'?
ക്രിക്കറ്റിനപ്പുറം, കായിക രംഗത്ത് മികവ് തെളിയിക്കാന്‍ ആഗ്രഹിക്കുന്നവര്‍ക്കുള്ള ഒരു സമഗ്ര പരിശീലന പദ്ധതിയാണ് 'റേസ് ബൈ സഞ്ജു സാംസണ്‍'. റാഫേല്‍ ഗ്രൂപ്പ് ഓഫ് കമ്പനിയുടെ റാഫേല്‍ പൊഴോലിപ്പറമ്പിലിന്റെയും സഞ്ജു സാംസണിന്റെയും ആശയത്തില്‍ നിന്നാണ് ഈ സംരംഭം ഉടലെടുക്കുന്നത്.
സൗകര്യങ്ങള്‍ ലോകോത്തരം!
അന്താരാഷ്ട്ര നിലവാരമുള്ള പരിശീലനം
റെസിഡന്‍ഷ്യല്‍ സൗകര്യം
ഇന്റര്‍നാഷണല്‍ ബാക്കലറിയേറ്റ് (ഐ.ബി) വിദ്യാഭ്യാസം
ശാസ്ത്രീയമായ ഭക്ഷണക്രമം
വിനോദ സൗകര്യങ്ങള്‍
11 ഏക്കറില്‍ അത്യാധുനിക ക്രിക്കറ്റ് ഗ്രൗണ്ട്
സ്റ്റുഡന്റ് ഡോമുകള്‍, സ്റ്റഡി ഏരിയകള്‍
സ്വിമ്മിംഗ് പൂള്‍, ടര്‍ഫ് നെറ്റ്‌സ്
ഷൂട്ടിംഗ് റേഞ്ച്, ബാഡ്മിന്റണ്‍, പാഡല്‍ കോര്‍ട്ടുകള്‍
യോഗ സോണുകള്‍, വിസിറ്റിംഗ് ടീമുകള്‍ക്കുള്ള താമസ സൗകര്യം
ലക്ഷ്യം, യുവ പ്രതിഭകളെ വാര്‍ത്തെടുക്കുക!
2026 സെപ്റ്റംബറില്‍ പ്രവര്‍ത്തനമാരംഭിക്കുന്ന അക്കാദമിയില്‍ 9 മുതല്‍ 16 വയസ്സുവരെയുള്ള ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രവേശനം നല്‍കും. താങ്ങാനാകുന്ന ഫീസില്‍ അന്താരാഷ്ട്ര നിലവാരത്തിലുള്ള പരിശീലനമാണ് റേസ് വാഗ്ദാനം ചെയ്യുന്നത്. ആദ്യഘട്ടത്തില്‍ 20 കോടി രൂപയാണ് പദ്ധതി ചെലവ് പ്രതീക്ഷിക്കുന്നത്. വരും വര്‍ഷങ്ങളില്‍ യുഎസ്എ, ഓസ്ട്രേലിയ, ദക്ഷിണാഫ്രിക്ക, യൂറോപ്പ് എന്നിവിടങ്ങളിലേക്കും റേസ് വ്യാപിപ്പിക്കാന്‍ പദ്ധതിയുണ്ട്.