കേരളത്തിനായി കളിക്കാന്‍ തയ്യാറാണെന്ന് സഞ്ജു, ടീമിലെടുക്കാതെ കെസിഎ, വീണ്ടും തമ്മിലടി
ഇന്ത്യന്‍ വിക്കറ്റ് കീപ്പര്‍ ബാറ്റ്‌സ്മാന്‍ സഞ്ജു സാംസണെ വിജയ് ഹസാരെ ട്രോഫിയില്‍ നിന്ന് കേരള ക്രിക്കറ്റ് അസോസിയേഷന്‍ (കെസിഎ) പുറത്തിരുത്തിയത് ഏറെ വിവാദങ്ങള്‍ക്ക് വഴിവെച്ചിരിക്കുകയാണ്. സയ്യിദ് മുഷ്താഖ് അലി ട്രോഫിയില്‍ കേരള ടീമിനെ നയിച്ച സഞ്ജു, 50 ഓവര്‍ ടൂര്‍ണമെന്റിനായുള്ള ക്യാമ്പില്‍ പങ്കെടുക്കാതിരുന്നതാണ് വിവാദത്തിന് കാരണം.
വയനാട്ടില്‍ നടന്ന ക്യാമ്പില്‍ പങ്കെടുക്കാന്‍ സാധിക്കില്ലെന്ന് സഞ്ജു ഇമെയില്‍ വഴി അറിയിച്ചിരുന്നതായി കെസിഎ സെക്രട്ടറി വിനോദ് എസ് കുമാര്‍ ഇന്ത്യന്‍ എക്‌സ്പ്രസിനോട് സ്ഥിരീകരിച്ചു. ക്യാമ്പില്‍ പങ്കെടുത്തവരെ മാത്രമാണ് ടീമിലേക്ക് പരിഗണിച്ചതെന്നും അദ്ദേഹം കൂട്ടിച്ചേര്‍ത്തു.
എന്നാല്‍, ഇപ്പോള്‍ സഞ്ജു ടീമില്‍ ഇടം നേടാന്‍ തയ്യാറാണെന്ന് അറിയിച്ചിട്ടുണ്ട്. ഹൈദരാബാദില്‍ നടക്കുന്ന ശേഷിക്കുന്ന നാല് മത്സരങ്ങള്‍ക്കും സഞ്ജു ലഭ്യമാണെന്നാണ് വിവരം.
സഞ്ജുവിനെ ടീമില്‍ ഉള്‍പ്പെടുത്തുന്ന കാര്യത്തില്‍ തീരുമാനമായിട്ടില്ലെന്ന് കെസിഎ സെക്രട്ടറി വ്യക്തമാക്കി. ഹൈദരാബാദില്‍ ഇതിനകം ഒരു പൂര്‍ണ്ണ ടീം ഉണ്ടെന്നും രണ്ട് മത്സരങ്ങള്‍ മാത്രമാണ് കഴിഞ്ഞതെന്നും അദ്ദേഹം പറഞ്ഞു.
ഈ വര്‍ഷം ആദ്യം നടന്ന ഐസിസി ടി20 ലോകകപ്പില്‍ ഇന്ത്യന്‍ ടീമിന്റെ ഭാഗമായിരുന്നു സഞ്ജു. കഴിഞ്ഞ അഞ്ച് ടി20 മത്സരങ്ങളില്‍ നിന്ന് മൂന്ന് സെഞ്ച്വറികള്‍ നേടിയ താരം മികച്ച ഫോമിലാണ്.
ഐപിഎല്‍ 2025-ല്‍ രാജസ്ഥാന്‍ റോയല്‍സ് സഞ്ജുവിനെ നിലനിര്‍ത്തിയിട്ടുണ്ട്. അടുത്ത സീസണില്‍ ടീമിന്റെ നായകസ്ഥാനം സഞ്ജുവിന് ലഭിക്കുമോ എന്ന കാര്യം കണ്ടറിയണം.
