എളുപ്പത്തില്‍ ഫിഫ്റ്റി നേടാമായിരുന്നു, എന്നിട്ടും സഞ്ജു ടീം പറഞ്ഞ പോലെ കളിച്ചു, തുറന്ന് പറഞ്ഞ് കോച്ച്
ബംഗ്ലാദേശിനെതിരായ മൂന്നാം ട്വന്റി20യിലും സഞ്ജു സാംസണിന് അവസരം ലഭിക്കുമെന്ന് ഇന്ത്യന്‍ ടീമിന്റെ അസിസ്റ്റന്റ് കോച്ച് റയാന്‍ ടെന്‍ ഡോഷേറ്റ് വ്യക്തമാക്കി. രണ്ടാം മത്സരത്തില്‍ മോശം പ്രകടനം കാഴ്ചവെച്ചിട്ടും സഞ്ജുവിന് ടീമിന്റെ പിന്തുണയുണ്ടെന്നും അദ്ദേഹം കൂട്ടിച്ചേര്‍ത്തു.
'ആദ്യ മത്സരത്തില്‍ സഞ്ജുവിന് എളുപ്പത്തില്‍ അര്‍ധ സെഞ്ചറി നേടാമായിരുന്നിട്ടും അദ്ദേഹം ബൗണ്ടറികള്‍ക്കു വേണ്ടി ശ്രമിച്ചുകൊണ്ടിരുന്നു. ടീം മാനേജ്‌മെന്റും ബൗണ്ടറികള്‍ നേടാനാണ് സഞ്ജുവിനോട് ആവശ്യപ്പെട്ടത്' അസിസ്റ്റന്റ് കോച്ച് വ്യക്തമാക്കി.
'എത്രത്തോളം താരങ്ങള്‍ക്ക് രാജ്യാന്തര മത്സരങ്ങളില്‍ അവസരം നല്‍കാന്‍ സാധിക്കുമോ, അതിനു വേണ്ടിയാണു ഞങ്ങള്‍ പരിശ്രമിക്കുന്നത്. സഞ്ജുവിന് ഇനിയും അവസരം നല്‍കും. പക്ഷേ പകരക്കാര്‍ ടീമില്‍ ഏറെയുണ്ട്. പരമ്പര ജയിക്കുക, കുറച്ച് പുതുമുഖങ്ങള്‍ക്കു കൂടി അവസരങ്ങള്‍ നല്‍കുക എന്നതാണു ടീമിന്റെ ലക്ഷ്യം' അസിസ്റ്റന്റ് കോച്ച് പ്രതികരിച്ചു.
ആദ്യ മത്സരത്തില്‍ ആക്രമണോത്സുകമായി കളിച്ച സഞ്ജുവിനെ ടീം മാനേജ്മെന്റ് അഭിനന്ദിച്ചു. ബൗണ്ടറികള്‍ നേടാനാണ് സഞ്ജുവിനോട് നിര്‍ദ്ദേശിച്ചിരുന്നതെന്നും അദ്ദേഹം വ്യക്തമാക്കി.
പരമാവധി താരങ്ങള്‍ക്ക് അവസരം നല്‍കുക എന്നതാണ് ടീമിന്റെ ലക്ഷ്യമെന്നും അസിസ്റ്റന്റ് കോച്ച് പറഞ്ഞു. എന്നാല്‍, ടീമില്‍ പകരക്കാരുണ്ടെന്നും പരമ്പര ജയിക്കുക എന്നതും പ്രധാനമാണെന്നും അദ്ദേഹം ഓര്‍മ്മിപ്പിച്ചു.
സഞ്ജുവിന്റെ ട്വന്റി20 കരിയറിലെ സ്ഥിരതയില്ലായ്മ ആശങ്കയുണ്ടാക്കുന്നുണ്ട്. അവസാന 13 ഇന്നിങ്സുകളില്‍ ഒരു അര്‍ദ്ധ സെഞ്ചുറി മാത്രമാണ് അദ്ദേഹത്തിന് നേടാനായത്.