എന്റെ പിഴ, വലിയ പിഴ; ഇംഗ്ലണ്ടിനെ തോൽപ്പിച്ചത് ആ വലിയ പിഴവെന്ന് പരിശീലകൻ
യൂറോ കപ്പിൽ ഏറെ പ്രതീക്ഷ നൽകിയ ശേഷം തിങ്ങിനിറഞ്ഞ വെംബ്ലിയെ കണ്ണീരിലാഴ്ത്തി ഇംഗ്ലണ്ട് കീഴടങ്ങിയതിന് പിന്നാലെ പരിശീലകൻ സൗത്ത്ഗേറ്റിന് നേരെ വിമർശനശരങ്ങൾ ഉയരുകയാണ്. പ്രധാനമായും ഷൂട്ടൗട്ടിലേക്ക് മത്സരം നീണ്ടപ്പോൾ പെനാൽറ്റി കിക്കെടുക്കാൻ ടീമിലെ ഏറ്റവും പ്രായം കുറഞ്ഞ കളിക്കാരെ തിരഞ്ഞെടുത്തു എന്നാണ് ഉയരുന്ന വിമർശനം.
🏴 England can move forward with optimism after an impressive EURO 2020 campaign 👏#EURO2020 | #ENG pic.twitter.com/UKnArKohta
— UEFA EURO 2024 (@EURO2024) July 11, 2021
വിമർശനങ്ങൾ ശക്തമാകവേ എല്ലാ കുറ്റങ്ങളും താൻ ഏൽക്കുന്നുവെന്നും, തോൽവിയുടെ ഉത്തരവാദിത്വം പൂർണമായും തനിക്കാണ് എന്നും പറഞ്ഞു രംഗത്തെത്തിയിരിക്കുകയാണ് സൗത്ത്ഗേറ്റ്.
More than a team. We're family. ❤️
We'll stick together no matter what. pic.twitter.com/1p4CJNHWXY
— England (@England) July 11, 2021
യുവതാരങ്ങളായ സാക, സാഞ്ചോ, റാഷ്ഫോർഡ് എന്നിവരാണ് ഷൂട്ടൗട്ടിൽ ഇംഗ്ലണ്ടിന്റെ പെനാൽറ്റി കിക്കുകൾ നഷ്ടപ്പെടുത്തിയത്. ഇതിൽതന്നെ 19കാരനായ സാകയെ നിർണായകമായ അഞ്ചാം കിക്കെടുക്കാൻ നിശ്ചയിച്ചതാണ് സൗത്ത്ഗേറ്റിനെതിരെ ഏറ്റവും വലിയ വിമർശനമായി ഉയരുന്നത്.
