ഐപിഎൽ ചരിത്രത്തിലെ ഏറ്റവും പ്രായം കുറഞ്ഞ താരം: വൈഭവ് വ്യാജനോ? വിവാദം കത്തുന്നു

1.1 കോടി രൂപയ്ക്ക് രാജസ്ഥാൻ റോയൽസ് സ്വന്തമാക്കിയ വൈഭവ് സൂര്യവംശി ഐപിഎൽ ചരിത്രത്തിലെ ഏറ്റവും പ്രായം കുറഞ്ഞ താരമായി. ഈ നേട്ടത്തിനു പിന്നാലെ താരത്തിനെതിരെ പ്രായം വ്യാജമായി കാണിക്കുന്നു എന്ന ആരോപണവുമായി ചിലർ വന്നു. സോഷ്യൽ മീഡിയയിൽ അടക്കം ഇക്കാര്യം സജീവമായി ചർച്ചയാവുകയും ചെയ്തു. ഇത്തരം ആരോപണങ്ങൾക്ക് വൈകാരികമായി തന്നെ മറുപടി നൽകിയിരിക്കുകയാണ് വൈഭവിന്റെ പിതാവ് സഞ്ജീവ് സൂര്യവംശി.

ആരെയും ഞങ്ങൾ ഭയപ്പെടുന്നില്ല, വേണ്ടിവന്നാൽ പരിശോധനക്ക് തയ്യാറാണ്

പ്രായത്തെ ചൊല്ലിയുള്ള വിവാദങ്ങൾക്കിടെ വൈഭവിന്റെ യഥാർത്ഥ പ്രായം 15 ആണെന്ന് ചിലർ ആരോപിച്ചിരുന്നു. ഈ ആരോപണങ്ങളെക്കുറിച്ച് സഞ്ജീവ് സൂര്യവംശി പറഞ്ഞു:

"എട്ടര വയസ്സുള്ളപ്പോൾ അവൻ ആദ്യമായി ബിസിസിഐയുടെ അസ്ഥി പരിശോധനയ്ക്ക് ഹാജരായി. അവൻ ഇതിനകം ഇന്ത്യ അണ്ടർ-19 ടീമിനായി കളിച്ചിട്ടുണ്ട്. ഞങ്ങൾ ആരെയും ഭയപ്പെടുന്നില്ല. അവനെ വേണമെങ്കിൽ വീണ്ടും പ്രായ പരിശോധനയ്ക്ക് വിധേയനാക്കാം." - അദ്ദേഹം പറയുന്നു

Advertisement

വൈഭവിനെക്കുറിച്ചുള്ള വിവരങ്ങൾ

• സമസ്തിപൂർ സ്വദേശിയായ വൈഭവ് ഇതുവരെ അഞ്ച് രഞ്ജി ട്രോഫി മത്സരങ്ങളിൽ കളിച്ചിട്ടുണ്ട്.
• നവംബർ 23 ന് രാജസ്ഥാനെതിരെ ടി20 അരങ്ങേറ്റം കുറിച്ചു.
• രാജസ്ഥാൻ റോയൽസിന്റെ ബാറ്റിംഗ് പരിശീലകൻ വിക്രം റാത്തോർ നടത്തിയ ട്രയൽസിൽ പങ്കെടുത്തു.
• ഒരു ഓവറിൽ 17 റൺസ് നേടാനുള്ള മത്സര സാഹചര്യത്തിൽ മൂന്ന് സിക്സറുകൾ അടിച്ചു ടീമിനെ ജയിപ്പിച്ചു.
• ട്രയൽസിൽ മൊത്തം എട്ട് സിക്സറുകളും നാല് ഫോറുകളും നേടി ശ്രദ്ധ പിടിച്ചുപറ്റി.

“ഇപ്പോൾ അവൻ മുഴുവൻ ബിഹാറിന്റെയും മകനാണ്”

“എന്റെ മകൻ കഠിനാധ്വാനം ചെയ്തിട്ടുണ്ട്. എട്ട് വയസ്സുള്ളപ്പോൾ അണ്ടർ-16 ജില്ലാ ട്രയൽസിൽ അവൻ മികവ് പുലർത്തി. ഞാൻ അവനെ സമസ്തിപൂരിലേക്ക് ക്രിക്കറ്റ് പരിശീലനത്തിനായി കൊണ്ടുപോകുകയും തിരികെ കൊണ്ടുവരികയും ചെയ്യുമായിരുന്നു" സഞ്ജീവ് പറയുന്നു.

ക്രിക്കറ്റ് തനിക്കൊരു വലിയ നിക്ഷേപമായി മാറിയെന്നും അദ്ദേഹം പറഞ്ഞു. "ഇപ്പോൾ ഞങ്ങളെ സംബന്ധിച്ച് ഇതൊരു വലിയ നിക്ഷേപമാണ്. ഞങ്ങൾ ഞങ്ങളുടെ ഭൂമി പോലും വിറ്റു. ഇപ്പോഴും സ്ഥിതി പൂർണ്ണമായും മെച്ചപ്പെട്ടിട്ടില്ല."

അണ്ടർ-19 ഏഷ്യാ കപ്പിൽ

വൈഭവ് നിലവിൽ ദുബായിൽ അണ്ടർ-19 ഏഷ്യാ കപ്പിനായി പരിശീലിക്കുകയാണ്. നവംബർ 30 ന് ഐസിസി അക്കാദമി ഗ്രൗണ്ടിൽ പാകിസ്ഥാനെതിരെയാണ് ഇന്ത്യയുടെ ആദ്യ മത്സരം.