തുടക്കം മുതലാക്കാനായില്ല, ബറോറഡ പൂട്ട് പൊട്ടിക്കാന്‍ കേരളം
വിജയ് ഹസാരെ ട്രോഫിയില്‍ ബറോഡയ്ക്കെതിരായ മത്സരത്തില്‍ ടോസ് നേടിയ കേരളം ബൗളിംഗ് തിരഞ്ഞെടുത്തു. രാജീവ് ഗാന്ധി ഇന്റര്‍നാഷണല്‍ സ്റ്റേഡിയത്തില്‍ നടക്കുന്ന മത്സരത്തില്‍ ഒടുവില്‍ വിവരം ലഭിക്കുമ്പോള്‍ ബറോഡ ഒരു വിക്കറ്റ് നഷ്ടത്തില്‍ 140 റണ്‍സെടുത്തിട്ടുണ്ട്. ഹൈദരാബാദിലാണ് മത്സരം നടക്കുന്നത്.
പാര്‍ത്ഥ് കോലി (32), നിനാദ് അശ്വിന്‍കുമാര്‍ (89) എന്നിവരാണ് ക്രീസില്‍. ശാശ്വത് റാവത്തിന്റെ (10) വിക്കറ്റാണ് ബറോഡയ്ക്ക് നഷ്ടമായത്. ഷറഫുദ്ദീനാണ് വിക്കറ്റ് നേടിയത്.
ടൂര്‍ണമെന്റിലെ കേരളത്തിന്റെ ആദ്യ മത്സരമാണിത്. സഞ്ജു സാംസണില്ലാതെയാണ് കേരളം ഇറങ്ങുന്നത്. സല്‍മാന്‍ നിസാറാണ് കേരളത്തെ നയിക്കുന്നത്.
34 റണ്‍സുള്ളപ്പോഴാണ് റാവത്തിന്റെ വിക്കറ്റ് ബറോഡയ്ക്ക് നഷ്ടമായത്. ഷറഫുദ്ദീന്റെ പന്തില്‍ ഷോണ്‍ റോജര്‍ക്ക് ക്യാച്ച് നല്‍കുകയായിരുന്നു. പിന്നാലെ അശ്വിന്‍കുമാര്‍ - കോലി സഖ്യം 95 റണ്‍സ് കൂട്ടിച്ചേര്‍ത്തു.
ഇരുടീമുകളുടെയും പ്ലേയിംഗ് ഇലവന്‍:
ബറോഡ: ശാശ്വത് റാവത്ത്, നിനാദ് അശ്വിന്‍കുമാര്‍, പാര്‍ത്ഥ് കോലി, ശിവാലിക് ശര്‍മ്മ, ക്രുണാല്‍ പാണ്ഡ്യ (ക്യാപ്റ്റന്‍), വിഷ്ണു സോളങ്കി (വിക്കറ്റ് കീപ്പര്‍), ഭാനു പാനിയ, രാജ് ലിംബാനി, മഹേഷ് പിഥിയ, ആകാശ് മഹാരാജ് സിംഗ്, ബാബാഷാഫി പത്താന്‍.
കേരളം: സല്‍മാന്‍ നിസാര്‍ (ക്യാപ്റ്റന്‍), മുഹമ്മദ് അസ്ഹറുദ്ദീന്‍ (വിക്കറ്റ് കീപ്പര്‍), ജലജ് സക്‌സേന, രോഹന്‍ കുന്നുമ്മല്‍, ഷറഫുദ്ദീന്‍, സിജോമോന്‍ ജോസഫ്, ഷോണ്‍ റോജര്‍, വൈശാഖ് ചന്ദ്രന്‍, ബേസില്‍ തമ്പി, അഹമ്മദ് ഇമ്രാന്‍, ഏദന്‍ ആപ്പിള്‍ ടോം.
ഗ്രൂപ്പ് ഇയിലാണ് കേരളം മത്സരിക്കുന്നത്. ബറോഡയ്ക്ക് പുറമെ ബംഗാള്‍, ദില്ലി, മധ്യപ്രദേശ് തുടങ്ങിയ ശക്തരെ കേരളത്തിന് നേരിടേണ്ടതുണ്ട്. ത്രിപുര, ബിഹാര്‍ എന്നിവര്‍ക്കെതിരെയും കേരളത്തിന് മത്സരങ്ങളുണ്ട്. എല്ലാ മത്സരങ്ങളും രാവിലെ ഒമ്പത് മണിക്കാണ് ആരംഭിക്കുക.
ബറോഡയ്ക്കെതിരായ മത്സരശേഷം 26ന് മധ്യപ്രദേശിനെതിരെയാണ് കേരളത്തിന്റെ അടുത്ത മത്സരം. 28ന് ദില്ലിക്കെതിരേയും കളിക്കും. 31ന് ബംഗാളിനേയും കേരളം നേരിടും. ജനുവരി മൂന്നിന് ത്രിപുരയോടും കേരളം കളിക്കും. ജനുവരി അഞ്ചിന് ബിഹാറിനെതിരെയാണ് കേരളത്തിന്റെ അവസാന മത്സരം.
