20 വര്‍ഷങ്ങള്‍ക്ക് ശേഷം സഹീര്‍ ഖാനും പഴയ ആ വൈറല്‍ ആരാധികയും വീണ്ടും കണ്ടുമുട്ടി
ഇന്ത്യന്‍ ക്രിക്കറ്റ് താരം സക്കീര്‍ ഖാനും അദ്ദേഹത്തിന്റെ പഴയ വൈറല്‍ ആരാധികയും വീണ്ടും കണ്ടുമുട്ടി. നീണ്ട 20 വര്‍ഷങ്ങള്‍ക്ക് ശേഷമാണ് ഇരുവരും വീണ്ടും കണ്ടുമുട്ടിയത്. 2005-ല്‍ ഇന്ത്യയും പാകിസ്ഥാനും തമ്മില്‍ നടന്ന ടിവിഎസ് കപ്പ് ടെസ്റ്റ് പരമ്പരയിലെ ഒരു മത്സരത്തിനിടെ, 'ഐ ലവ് യു സക്കീര്‍' എന്നെഴുതിയ പ്ലക്കാര്‍ഡുമായി ഒരു ആരാധിക വൈറലായിരുന്നു. സഹതാരം യുവരാജ് സിംഗ് സഹീറിനെ കളിയാക്കിയപ്പോള്‍, സഹീര്‍ തിരിച്ച് ആരാധികയ്ക്ക് ഒരു ഫ്‌ലയിംഗ് കിസ് നല്‍കി. ഇത് ആരാധികയെ നാണിപ്പിച്ചു. ഈ വീഡിയോ വൈറലാകുകയും ചെയ്തിരുന്നു.
സഹീര്‍ ഖാനും വൈറല്‍ ആരാധികയും തമ്മിലുളള ഈ പുനസമാഗതത്തിന്റെ വീഡിയോ അദ്ദേഹത്തിന്റെ ഫ്രാഞ്ചസിയായ ലഖ്നൗ സൂപ്പര്‍ ജയന്റ്സ് (എല്‍എസ്ജി) ആണ് പങ്കുവെച്ചത്. സഹീര്‍ എല്‍എസ്ജിയില്‍ ചേര്‍ന്ന ദിനം അതേ ആരാധിക 'ഐ ലവ് യു സഹീര്‍' എന്നെഴുതിയ പ്ലക്കാര്‍ഡുമായി അദ്ദേഹത്തെ സ്വീകരിച്ചു. ഇത് മുന്‍ പേസറെ അത്ഭുതപ്പെടുത്തി.
നിലവിലെ ഇന്ത്യന്‍ ഹെഡ് കോച്ച് ഗൗതം ഗംഭീറിന് പകരമായാണ് സഹീര്‍ ഖാന്‍ എല്‍എസ്ജിയുടെ മെന്ററായി ചുമതലയേറ്റത്. ഗംഭീര്‍ കഴിഞ്ഞ ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്സില്‍ (കെകെആര്‍) ചേരാനായാണ് എല്‍എസ്ജി വിട്ടത്. ശേഷം കെകെആറിനെ അവരുടെ മൂന്നാമത്തെ ഐപിഎല്‍ കിരീടത്തിലേക്ക് നയിച്ചതിന് ശേഷം, മുന്‍ ഇന്ത്യന്‍ ക്രിക്കറ്റ് താരം ഇന്ത്യന്‍ ഹെഡ് കോച്ചായി ചുമതലയേറ്റു. സഹീര്‍ ലഖ്നൗ സൂപ്പര്‍ ജയന്റ്സിന്റെ ബൗളിംഗ് കോച്ചായും പ്രവര്‍ത്തിക്കും.
'ഐപിഎല്ലിലെ താരതമ്യേന യുവ ഫ്രാഞ്ചൈസിയാണ് എല്‍എസ്ജി, പക്ഷേ അതിനെ അങ്ങനെ കാണാന്‍ കഴിയില്ല, അടിസ്ഥാനപരമായ കാര്യങ്ങള്‍ മിക്കവാറും ശരിയായി സ്ഥാപിച്ചിട്ടുണ്ട്,' ആര്‍പിഎസ്ജി ഗ്രൂപ്പ് ആസ്ഥാനത്ത് നടന്ന മാധ്യമ സംവാദത്തില്‍ സഹീര്‍ പറഞ്ഞു.
'അവര്‍ ഒരുപാട് പുരോഗതി കൈവരിച്ചിട്ടുണ്ട്. കടുത്ത മത്സരം നടക്കുന്ന ഈ പോരാട്ടത്തില്‍ പ്ലേഓഫില്‍ എത്തുക എന്നത് വളരെ ബുദ്ധിമുട്ടുള്ള കാര്യമാണ്, അത് സ്ഥിരമായി നേടുന്നത് ഫ്രാഞ്ചൈസിയുടെ വിജയത്തിന് സംഭാവന നല്‍കാന്‍ വരുമ്പോള്‍ എനിക്ക് ഒരുപാട് ആത്മവിശ്വാസം നല്‍കുന്നു'
ഋഷഭ് പന്ത് എല്‍എസ്ജിയെ നയിക്കും
* ഐപിഎല്‍ 2025-ല്‍ ഋഷഭ് പന്ത് എല്‍എസ്ജിയെ നയിക്കും.* 27 കോടി രൂപയ്ക്ക് ലേലത്തില്‍ ഫ്രാഞ്ചൈസി പന്തിനെ സ്വന്തമാക്കിയത്. അങ്ങനെ ഐപിഎല്‍ ചരിത്രത്തിലെ ഏറ്റവും വിലകൂടിയ കളിക്കാരനായി അദ്ദേഹം മാറി.* കെഎല്‍ രാഹുല്‍ ടീം വിടാന്‍ തീരുമാനിച്ചതിനെ തുടര്‍ന്നാണ് ഈ നീക്കം.* ഐപിഎല്‍ 2024-ല്‍ എല്‍എസ്ജിക്ക് മികച്ച പ്രകടനം നടത്താന്‍ കഴിഞ്ഞില്ല, അവര്‍ക്ക് പ്ലേഓഫിലേക്ക് യോഗ്യത നേടാനും കഴിഞ്ഞില്ല.
സഹീര്‍ ഖാന്റെ തിരിച്ചുവരവ്: പ്രതീക്ഷകള്‍ ഉയരുന്നു
* സഹീര്‍ ഖാന്റെ പരിചയസമ്പത്തും തന്ത്രപരമായ തീരുമാനങ്ങളും ടീമിന് ഗുണം ചെയ്യും.* അദ്ദേഹത്തിന്റെ വരവ് ടീമിന് കൂടുതല്‍ കരുത്ത് പകരും.* എല്‍എസ്ജിയുടെ പ്രകടനം മെച്ചപ്പെടുത്താന്‍ സഹീര്‍ ഖാന്റെ സാന്നിധ്യം സഹായിക്കും.