മിശിഹാ കരഞ്ഞപ്പോൾ ആരാധകരും ഒപ്പം കരഞ്ഞു; പക്ഷെ അവസാന പുഞ്ചിരി അയാൾക് മാത്രം അവകാശപ്പെട്ടതായിരുന്നു; അർജന്റീനയുടെ വിജയത്തിലെ നാടകീയ നിമിഷങ്ങൾ
നാടകീയത മുറ്റിനിന്ന കോപ്പ അമേരിക്ക ഫൈനലിൽ കൊളംബിയയെ അധികസമയത്തെ സുവർണഗോളിൽ തകർത്ത് അർജന്റീന ജേതാക്കളായി. കാണികളുടെ അനിയന്ത്രിതമായ തിരക്ക് കാരണം വൈകിത്തുടങ്ങിയ മത്സരം സമാനതകളില്ലാത്ത നാടകീയതയാണ് ഉടനീളം സമ്മാനിച്ചത്. മൈതാനത്തിന് പുറത്ത് കാണികൾ തമ്മിൽ ഉണ്ടായ സംഘർഷത്തിന്റെ അലയൊലികൾ മൈതാനത്തും വ്യാപിക്കാൻ അധികം സമയം വേണ്ടിവന്നില്ല. ഉടനീളം പരുക്കൻ അടവുകൾ കണ്ട മത്സരത്തിൽ ആദ്യപകുതിയുടെ അവസാന മിനിറ്റുകളിൽ സാക്ഷാൽ ലയണൽ മെസ്സിക്കും പരിക്ക് പറ്റി.
മയാമിയിലെ ഹാർഡ് റോക്ക് സ്റ്റേഡിയത്തിൽ നടന്ന കോപ്പ അമേരിക്ക 2024 ഫൈനലിൽ ലയണൽ മെസ്സി രണ്ടാം പകുതിയിൽ പരിക്കേറ്റ് പുറത്തുപോയപ്പോൾ, വേദനയും കണ്ണീരും കൊണ്ട് തളർന്നിരുന്നു. ഡഗ്ഔട്ടിൽ ഇരുന്ന് മെസ്സി കരയുന്നത് കണ്ട ലോകമെമ്പാടും ഉള്ള ആരാധകർ ഒപ്പം വിതുമ്പി. എന്നിരുന്നാലും, ഒരു മണിക്കൂറിനുള്ളിൽ, അർജന്റീന കോപ്പ അമേരിക്ക കിരീടം നിലനിർത്തുകയും 1-0ന് വിജയിക്കുകയും, 16-ാം തവണ കോപ്പ അമേരിക്ക കിരീടം നേടി ചരിത്രം കുറിക്കുകയും ചെയ്തതോടെ അദ്ദേഹത്തിന്റെ എല്ലാ കണ്ണീരും വേദനയും ആഹ്ലാദത്തിന് വഴിമാറി.
Messi crying !💔💔💔💔💔 pic.twitter.com/E4udPN8pyz
— Messi Media (@LeoMessiMedia) July 15, 2024
റഫറി ഫൈനൽ വിസിൽ മുഴക്കിയതോടെ, കണങ്കാലിനുണ്ടായ വീക്കം കാരണം അപ്പോഴും വേദനയിലായിരുന്ന മെസ്സി, കൂട്ടുകാർക്കൊപ്പം ചേർന്ന് ആഹ്ലാദത്തോടെ അലറി. അർജന്റീന ക്യാപ്റ്റൻ പിന്നീട് മയാമിയിൽ ആഘോഷത്തിൽ മുഴുകിയ തന്റെ സഹതാരങ്ങളുമായി ചേർന്നു.
Messi's celebration 🏆🇦🇷 pic.twitter.com/tleuGlVfrJ
— KN 🏏 (@cricupdatesonX) July 15, 2024
ടിക്കറ്റില്ലാതെ ആയിരക്കണക്കിന് ആരാധകർ വേദിയിൽ പ്രവേശിക്കാൻ ശ്രമിച്ചതിനെ തുടർന്ന് ഒരു മണിക്കൂറിലധികം വൈകിയ മത്സരം, 90 മിനിറ്റിൽ ഒരു ഗോൾ പോലും നേടാൻ കഴിയാതെ അധിക സമയത്തേക്ക് നീണ്ടു. 112-ാം മിനിറ്റിൽ പകരക്കാരനായി ഇറങ്ങിയ ടൂർണമെന്റിലെ മികച്ച ഗോൾ സ്‌കോറർ കൂടിയായ ലൗട്ടാരോ മാർട്ടിനെസ്, ജിയോവാനി ലോ സെൽസോയിൽ നിന്ന് പാസ് സ്വീകരിച്ച് കൊളംബിയൻ ഗോൾകീപ്പർ കാമിലോ വർഗാസിനെ മറികടന്ന് ഗോൾ നേടി.
Messi Winning Celebration Moment 🥹😭#CopaAmerica2024 pic.twitter.com/jMChcYGj9T
— Sekhar (@Sekhar_Og_) July 15, 2024
സമനിലക്കായി കൊളംബിയ കിണഞ്ഞു പരിശ്രമിച്ചെങ്കിലും അവസാന എട്ട് മിനിറ്റിനുള്ളിൽ മറുപടി ഗോൾ കണ്ടെത്താനായില്ല. അർജന്റീന 16-ാം തവണ കോപ്പ അമേരിക്ക കിരീടം ഉയർത്തി. ഉറുഗ്വേയെ (15) മറികടന്ന് ലാറ്റിനമേരിക്കൻ ചരിത്രത്തിലെ എതിരാളികളില്ലാത്ത രാജാക്കന്മാരായി മാറി.
2022 ലോകകപ്പിലും 2021 കോപ്പ അമേരിക്കയിലും നേടിയ വിജയങ്ങളുടെ പശ്ചാത്തലത്തിൽ അർജന്റീനയുടെ ഈ വിജയം സമാനതകളില്ലാത്ത നേട്ടമാണ്. 2022 ഫെബ്രുവരിയിൽ 'ലാ അൽബിസെലെസ്റ്റെയോട്' തോറ്റതിന് ശേഷം തോൽവിയറിയാതെ കളിച്ച കൊളംബിയയുടെ 28 മത്സരങ്ങളുടെ റെക്കോഡ് സ്ട്രീക്കിന് അർജന്റീന തന്നെ ഇതോടെ അന്ത്യം കുറിക്കുകയും ചെയ്തു.
